ಫಿಕ್ಸಿಂಗ್‌ ಪ್ರಕರಣ: ಕೋಚ್‌ ಅನ್ಸಾರಿಗೆ 10 ವರ್ಷ ನಿಷೇಧ

ದುಬಾೖ: ಪಾಕಿಸ್ಥಾನ ಕ್ರಿಕೆಟ್‌ ತಂಡದ ನಾಯಕ ಸರ್ಫರಾಜ್ ಅಹ್ಮದ್‌ ಅವರಿಗೆ ಫಿಕ್ಸಿಂಗ್‌ ಆಮಿಷವೊಡ್ಡಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಐಸಿಸಿ ಭ್ರಷ್ಟಾಚಾರ ನಿಗ್ರಹ ನ್ಯಾಯಾಲಯವು ಶಾರ್ಜಾ ಮೂಲದ ಕ್ರಿಕೆಟ್‌ ಕೋಚ್‌ ಮೊಹಮ್ಮದ್‌ ಅನ್ಸಾರಿಗೆ 10 ವರ್ಷ ಕಠಿನ ನಿಷೇಧ ಶಿಕ್ಷೆ ವಿಧಿಸಿದೆ.

ಯುಎಇಯಲ್ಲಿ ನಡೆದ 2017ರ ಪಾಕಿಸ್ಥಾನ-ಶ್ರೀಲಂಕಾ ನಡುವಿನ ಪಂದ್ಯದ ವೇಳೆ ಸರ್ಫರಾಜ್ ಗೆ ಅನ್ಸಾರಿ ಫಿಕ್ಸಿಂಗ್‌ ಆಮಿಷವೊಡ್ಡಿದ್ದರು. ಸರ್ಫರಾಜ್ ಕೂಡಲೇ ಇದನ್ನು ಸಂಬಂಧಪಟ್ಟವರ ಗಮನಕ್ಕೆ ತಂದಿದ್ದರು. ಅಂದು ಅನ್ಸಾರಿಯನ್ನು ಬಂಧಿಸಿ ವಿಚಾರಣೆ ನಡೆಸಲಾಗಿತ್ತು.