ಮೀನು ಸಾಗಾಟದ ವಾಹನ ಪಲ್ಟಿ: ಚಾಲಕನಿಗೆ ಗಾಯ

ಪಡುಬಿದ್ರಿ: ಎರ್ಮಾಳು ಬಳಿ ಸೋಮವಾರ ಬೆಳಗ್ಗೆ ಮೀನು ಸಾಗಾಟದ ವಾಹನವೊಂದು ಪಲ್ಟಿಯಾಗಿ ಚಾಲಕ ಜಾವೇದ್‌ (25) ಬಲಗೈ ಮೂಳೆ ಮುರಿತಕ್ಕೊಳಗಾಗಿ ಮಣಿಪಾಲದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 

ಮಲ್ಪೆಯಿಂದ ಮೀನನ್ನು ಹೇರಿಕೊಂಡು ಕೇರಳದತ್ತ ಹೋಗುತ್ತಿದ್ದ ಈ ವಾಹನ ಚಾಲಕನ ನಿಯಂತ್ರಣ ತಪ್ಪಿ ಮಗುಚಿ ಬಿತ್ತು. 

ವಾಹನವು ಡಿವೈಡರನ್ನು ಏರಿ ರಸ್ತೆಯ ಮತ್ತೂಂದು ಮಗ್ಗುಲಿನ ಆಚೆಯ ಸುಮಾರು 10 ಅಡಿಗಳ ಕಂದಕಕ್ಕೆ ಉರುಳಿದೆ. ಪವಾಡಸದೃಶವಾಗಿ ಚಾಲಕ ಬದುಕುಳಿದಿದ್ದು ವಾಹನವು ಸಂಪೂರ್ಣ ಜಖಂಗೊಂಡಿದೆ. ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.