ಮೊದಲ ಟೆಸ್ಟ್‌: ಇಂಗ್ಲಂಡ್‌ 287ಕ್ಕೆ ಆಲೌಟ್‌,ಅಶ್ವಿ‌ನ್‌ಗೆ 4 ವಿಕೆಟ್‌

ಲಂಡನ್‌ : ಬರ್ಮಿಂಗಂ ನ ಎಜ್‌ಬಾಸ್ಟನ್‌ ಕ್ರಿಕೆಟ್‌ ಮೈದಾನದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್‌ ಪಂದ್ಯದ ಇಂದಿನ ಎರಡನೇ ದಿನ ಭಾರತ, ಇಂಗ್ಲಂಡ್‌ ತಂಡವನ್ನು 287 ರನ್‌ಗಳಿಗೆ ಆಲೌಟ್‌ ಮಾಡಿತು.

ಜೋ ರೂಟ್‌ 80 ರನ್‌ ತೆಗೆದು ಮಿಂಚಿದರೆ ಬೇರ್‌ಸ್ಟೋ 70 ರನ್‌ ತೆಗೆದು ಇಂಗ್ಲಂಡ್‌ ಗೆ ಆಧಾರ ನೀಡಿದರು. ಭಾರತದ ಎಸೆಗಾರರ ಪೈಕಿ ರವಿಚಂದ್ರನ್‌ ಅಶ್ವಿ‌ನ್‌ 62 ರನ್‌ ವೆಚ್ಚಕ್ಕೆ ನಾಲ್ಕು ವಿಕೆಟ್‌ ಕಿತ್ತು ಮಿಂಚಿದರು. 

ಭಾರತದ ಮೊದಲ ಇನ್ನಿಂಗ್ಸ್‌ ಆಟವನ್ನು ಮುರಳಿ ವಿಜಯ್‌ ಮತ್ತು ಶಿಖರ್‌ ಧವನ್‌ ಆರಂಭಿಸಲಿದ್ದಾರೆ. 

ಮೊಹಮ್ಮದ್‌ ಶಮೀ ಅವರ ಸ್ವಿಂಗ್‌ ಎಸೆತದಲ್ಲಿ ವಿಕೆಟ್‌ ಕೀಪರ್‌ ದಿನೇಶ್‌ ಕಾರ್ತಿಕ್‌ಗೆ ಸುಲಭದ ಕ್ಯಾಚ್‌ ನೀಡಿ ಸ್ಯಾಮ್‌ ಕ್ಯೂರಾನ್‌  ಔಟಾಗುವ ಮೂಲಕ ಇಂಗ್ಲಂಡ್‌ ಮೊದಲ ಇನ್ನಿಂಗ್ಸ್‌ ನಲ್ಲಿ  287ಕ್ಕೆ ಆಲೌಟಾಯಿತು. 

ನಿನ್ನೆಯ ಮೊದಲ ದಿನ ಇಂಗ್ಲಂಡ್‌ ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿತ್ತು.  ಇಂಗ್ಲಂಡ್‌ ನಿನ್ನೆ 6 ವಿಕೆಟ್‌ ಕಳೆದುಕೊಂಡಿತ್ತು. ಜೋ ರೂಟ್‌ ಅವರನ್ನು ವಿರಾಟ್‌ ಕೊಹ್ಲಿ ಅತ್ಯದ್ಭುತವಾಗಿ ರನ್‌ ಔಟ್‌ ಮಾಡಿದರು.