ಹಾವೇರಿಯಲ್ಲೂ ಒಕ್ಕರಿಸಿದ ಮಹಾಮಾರಿ ಕೋವಿಡ್: ಪುಣೆಯಿಂದ ಬಂದ ವ್ಯಕ್ತಿಗೆ ಸೋಂಕು

ಹಾವೇರಿ: ಪುಣೆಯಿಂದ ಬಂದ ವ್ಯಕ್ತಿಗೆ ಸೋಂಕು ತಾಗಿರುವುದು ದೃಢವಾಗಿದ್ದು, ಯಾವುದೇ ಸೋಂಕು ಪ್ರಕರಣವಿಲ್ಲದೆ ನೆಮ್ಮದಿಯಿಂದ ಇದ್ದ ಹಾವೇರಿ ಜನತೆಗೆ ಆಘಾತ ನೀಡಿದೆ.

ಜಿಲ್ಲೆಯಲ್ಲಿ ಮೊದಲ ಕೋವಿಡ್ ಸೋಂಕು ಪತ್ತೆಯಾಗಿರುವ ಬಗ್ಗೆ ಜಿಲ್ಲಾಧಿಕಾರಿ ಕೃಷ್ಣ ಭಾಜಪೇಯಿ ಸ್ಪಷ್ಟಪಡಿಸಿದ್ದಾರೆ.

ಸದ್ಯ ಸೋಂಕಿತ ವ್ಯಕ್ತಿಯು ತನ್ನಅಣ್ಣ ಮತ್ತು ಮಗನೊಂದಿಗೆ ಮುಂಬೈಯಿಂದ ಟ್ರಕ್ ಮೂಲಕ ಪುಣೆಗೆ ಬಂದಿದ್ದ. ನಂತರ ಮೂವರು ಏಪ್ರೀಲ್ 29 ಕ್ಕೆ ಪುಣೆಯಿಂದ ಹಾವೇರಿಯ ಸವಣೂರಿನ ಸ್ವಗ್ರಹಕ್ಕೆ ತೆರಳಿದ್ದರು.

ಉಳಿದವರ ವೈದ್ಯಕೀಯ ವರದಿ ಇಂದು ಸಂಜೆ ಕೈ ಸೇರಲಿದೆ ಎಂದು ಹಾವೇರಿ ಜಿಲ್ಲಾಧಿಕಾರಿ ಕೃಷ್ಣ ಭಾಜಪೇಯಿ ಹೇಳಿದ್ದಾರೆ.