ಇಳಕಲ್ಲದಲ್ಲಿ ಬೃಹತ್‌ ಕಟ್ಟಡಕ್ಕೆ ಬೆಂಕಿ: 12 ಕೋಟಿ ಆಸ್ತಿಪಾಸ್ತಿ ಹಾನಿ

ಇಳಕಲ್ಲ: ಪಟ್ಟಣದ ಬಸವೇಶ್ವರ ವೃತ್ತದಲ್ಲಿದ್ದ ಸಜ್ಜನ ಕಾಂಪ್ಲೆಕ್ಸ್‌ಗೆ ಆಕಸ್ಮಿಕ ಬೆಂಕಿ ತಗುಲಿ 12 ಕೋಟಿ ಮೌಲ್ಯದ ಆಸ್ತಿಪಾಸ್ತಿ ಹಾನಿಯಾದ ಘಟನೆ ರವಿವಾರ ತಡರಾತ್ರಿ ನಡೆದಿದೆ.

ಮೂರು ತಿಂಗಳ ಹಿಂದೆ ಆರಂಭಗೊಂಡಿದ್ದ ಮೂರು ಮಹಡಿಯ ಸಜ್ಜನ ಕಾಂಪ್ಲೆಕ್ಸ್‌ ಧನಲ್ಲಿ ಮೋರ್‌ ಬಜಾರ, ಇಳಕಲ್ಲ ರೇಷ್ಮೇ ಸೀರೆ ಅಂಗಡಿ, ಬೇಕರಿ ಸ್ವೀಟ್‌ ಮಾರ್ಟ್‌, ಶೋರೂಂ ಹೀಗೆ ವಿವಿಧ ನಮೂನೆಯ ಅಂಗಡಿಗಳಿದ್ದವು. ಈ ಅಂಗಡಿಗಳು ರವಿವಾರ ರಾತ್ರಿ ಬೆಂಕಿಗೆ ಆಹುತಿಯಾದವು. ಮೂರು ಅಗ್ನಿಶಾಮಕ ದಳಗಳು ನಿರಂತರ ಶ್ರಮಿಸಿದ್ದರಿಂದ ರಾತ್ರಿ 2 ಗಂಟೆಗೆ ಬೆಂಕಿ ನಿಯಂತ್ರಣಕ್ಕೆ ಬಂದಿತು.