ಮುಂಬಯಿ: ಹಿಂದಿ ಚಿತ್ರ ನಟ ವಿವೇಕ್‌ ಓಬೆರಾಯ್‌ ನಟಿಸಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ಜೀವನಾಧಾರಿತ ಚಿತ್ರವಾದ “ಪಿಎಂ ನರೇಂದ್ರ ಮೋದಿ’ ದೇಶಾದ್ಯಂತ ಏ. 12ರಂದು ತೆರೆಕಾಣಲಿದೆ. ಮೇರಿ ಕೋಂ ಮತ್ತು ಸರಬ್ಜಿತ್‌ ಚಿತ್ರಗಳನ್ನು ನಿರ್ಮಿಸಿ ಸೈ ಎನಿಸಿಕೊಂಡಿರುವ ಒಮಂಗ್‌ ಕುಮಾರ್‌ ಈ ಚಿತ್ರದ ನಿರ್ದೇಶಕರು. ಇದೇ ಜನವರಿಯಲ್ಲಿ ಗುಜರಾತ್‌ನಲ್ಲಿ ಚಿತ್ರೀಕರಣ ಆರಂಭವಾಗಿತ್ತು. ಚಿತ್ರದ ಕೊನೆಯ ಹಂತದ ಚಿತ್ರೀಕರಣ ಮುಂಬಯಿನಲ್ಲಿ ಜರುಗಿದೆ. ಇದಲ್ಲದೆ, ಉತ್ತರ ಕಾಶಿ ಜಿಲ್ಲೆಯಲ್ಲಿನ ಗಂಗಾ ಘಾಟ್‌, ಕಲ್ಪ್ ಕೇದಾರ್‌ ಮಂದಿರ ಹಾಗೂ ಧರಲಿ ಬಜಾರ್‌ ಮತ್ತು ಮುಖಾº ಹಳ್ಳಿಯನ್ನು ಬೆಸೆಯುವ ತೂಗು ಸೇತುವೆಯ ಮೇಲೆ ಈ ಚಿತ್ರದ ಕೆಲವಾರು ಭಾಗಗಳನ್ನು ಚಿತ್ರೀಕರಿಸಲಾಗಿದೆ. ಮೋದಿಯವರ ಪೂರ್ವಾಶ್ರಮ ಹಾಗೂ ಅವರ ರಾಜಕೀಯ ಜೀವನದ ಚಿತ್ರಣವನ್ನು ಈ ಚಿತ್ರದಲ್ಲಿ ಕಾಣಬಹುದಾಗಿದೆ ಎಂದು ಚಿತ್ರದ ನಿರ್ದೇಶಕರು ಹೇಳಿದ್ದಾರೆ.
