Karkala ಬಸ್ಸು ಚಾಲಕರಿಬ್ಬರ ನಡುವೆ ಜಗಳ: ದೂರು

ಕಾರ್ಕಳ: ಚಲಾಯಿಸುತ್ತಿದ್ದ ಬಸ್ಸಿಗೆ ಇನ್ನೋರ್ವ ಚಾಲಕ ಬಸ್‌ ಅಡ್ಡ ಇಟ್ಟು ಚಾಲಕರಿಬ್ಬರು ಗಲಾಟೆ ಮಾಡಿಕೊಂಡ ಘಟನೆ ಕಾರ್ಕಳದ ಸಾಣೂರು ಪುಲ್ಕೇರಿ ಎಂಬಲ್ಲಿ ಮಾ. 25ರಂದು ನಡೆದಿದೆ.

ವಿಠಲ್‌ ರಾವ್‌ ಅವರು ಬಸ್ಸನ್ನು ಮಂಗಳೂರು ಕಡೆಗೆ ಚಲಾಯಿಸಿಕೊಂಡು ಹೋಗುತ್ತಿರುವಾಗ ಸಾಣೂರು ಗ್ರಾಮದ ಪುಕ್ಕೇರಿ ಬೈಪಾಸ್‌ ಬಳಿ ಮೋಹನ್‌ ಚಲಾಯಿಸುತ್ತಿದ್ದ ಪದ್ಮಾಂಬಿಕಾ ಬಸ್‌ ಅನ್ನು ಅಡ್ಡ ಇಟ್ಟು ವಿಠಲ್‌ ರಾವ್‌ ಅವರನ್ನು ನಿಂದಿಸಿ ಜೀವ ಬೆದರಿಕೆ ಹಾಕಿದ್ದಾನೆ. ಬಳಿಕ ತನ್ನ ಬಸ್ಸನ್ನು ಢಿಕ್ಕಿ ಹೊಡೆಸಿ ವಿಠಲ್‌ ರಾವ್‌ ಚಲಾಯಿಸುತ್ತಿದ್ದ ಬಸ್ಸಿಗೆ ಹಾನಿಯುಂಟು ಮಾಡಿದ್ದಾನೆ. ಈ ಕುರಿತು ವಿಠಲ್‌ ರಾವ್‌ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.