ಮತ್ತೆ ಹೆಲಿಕ್ಯಾಪ್ಟರ್‌ ಅವಘಡ! : ಪಾರಾದ ಸಿಎಂ ಫ‌ಡ್ನವೀಸ್

ಮುಂಬಯಿ: ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫ‌ಡ್ನವೀಸ್‌ ಅವರು ಇನ್ನೊಂದು ಅವಘಡದಿಂದ ಪಾರಾಗಿದ್ದು, ಶುಕ್ರವಾರ ಮಧ್ಯಾಹ್ನ ಅಲಿಬಾಗ್‌ನಲ್ಲಿ ಫ‌ಡ್ನವೀಸ್‌ ಅವರು ಕ್ಯಾಪ್ಟರ್‌ ಏರುವಾಗಲೇ ಏಕಾಏಕಿ ಹಾರಾಟ ಆರಂಭವಾದ ಬಗ್ಗೆ ವರದಿಯಾಗಿದೆ. 

ವರದಿಯಾದಂತೆ ಹೆಲಿಕ್ಯಾಪ್ಟರ್‌ನ ಪಂಕಗಳು ಫ‌ಡ್ನವೀಸ್‌ ಅವರ ತಲೆಗೆ ತಾಗುವ ಸಾಧ್ಯತೆಗಳಿದ್ದವು ಎನ್ನಲಾಗಿದ್ದು, ಅದೃಷ್ಟವಷಾತ್‌ ಯಾವುದೇ ಗಾಯಗಳಿಲ್ಲದೆ ಪಾರಾಗಿದ್ದಾರೆ. 

ಫ‌ಡ್ನವೀಸ್‌ ಅವರ ನೆರವಿಗೆ ಕೂಡಲೇ ಭದ್ರತಾ ಸಿಬಂದಿಗಳು ಆಗಮಿಸಿದ್ದಾರೆ. 

ಲಾತೂರ್‌ನಲ್ಲಿ ಮೇ 25 ರಂದು ಫ‌ಡ್ನವೀಸ್‌ ಅವರಿದ್ದ ಹೆಲಿಕ್ಯಾಪ್ಟರ್‌ ತುರ್ತು ಲ್ಯಾಂಡ್‌ ಆಗಿ ಅವಘಡಕ್ಕೀಡಾಗಿತ್ತು. ಅವಘಡದಲ್ಲಿ ಕ್ಯಾಪ್ಟರ್‌ ಸಂಪೂರ್ಣ ಜಖಂಗೊಂಡಿತ್ತು. 

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.