ಲೋಕಸಮರ; ಕಾಂಗ್ರೆಸ್ IT ಸೆಲ್ ಜತೆ ಲಿಂಕ್, ಫೇಸ್ ಬುಕ್ 687 ಪುಟ ಬಂದ್!

ನವದೆಹಲಿ:ಲೋಕಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಐಟಿ ಸೆಲ್ ಗೆ ಸೇರಿದ 687 ಪುಟ ಹಾಗೂ ವೈಯಕ್ತಿಕ ಖಾತೆಗಳನ್ನು  ರದ್ದುಗೊಳಿಸಿರುವುದಾಗಿ ಜಾಗತಿಕ ಸಾಮಾಜಿಕ ಜಾಲತಾಣ ಫೇಸ್ ಬುಕ್ ಸೋಮವಾರ ತಿಳಿಸಿದೆ.

ಈ ಖಾತೆಗಳು ಕಾಂಗ್ರೆಸ್ ಐಟಿ ಸೆಲ್ ಜೊತೆ ಸಂವಹನ ಸಂಪರ್ಕದ ಭಾಗವಾಗಿ ಕಾರ್ಯನಿರ್ವಹಿಸುತ್ತಿದ್ದವು. ಈ ಖಾತೆಯನ್ನು ನಾವು ಕಂಟೆಂಟ್ ಅಥವಾ ನಕಲಿ ಸುದ್ದಿ ಆಧಾರದ ಮೇಲೆ ಪೇಜ್ ಗಳನ್ನು ರದ್ದು ಮಾಡಿಲ್ಲ. ಆದರೆ ದೃಢಪಡದ(ಅಸಮರ್ಪಕ ಬಿಹೇವಿಯರ್) ಹಾಗೂ ಸ್ಪ್ಯಾಮ್ ಮಾದರಿ ಸುದ್ದಿಯನ್ನು ಪ್ರಸಾರ ಮಾಡಿದ್ದಕ್ಕೆ ಖಾತೆ ರದ್ದುಪಡಿಸಿರುವುದಾಗಿ ಫೇಸ್ ಬುಕ್ ವಿವರಣೆ ನೀಡಿದೆ.

ಅದೇ ರೀತಿ ಪಾಕಿಸ್ತಾನ ಮೂಲದ 103 ಫೇಸ್ ಬುಕ್ ಪುಟ, ಗ್ರೂಪ್, ಖಾತೆ ಹಾಗೂ ಇನ್ ಸ್ಟಾಗ್ರಾಮ್ ಅನ್ನು ಕೂಡಾ ತೆಗೆದು ಹಾಕಿರುವುದಾಗಿ ಫೇಸ್ ಬುಕ್ ನ ಕ್ರಿಪ್ಟೋಸೆಕ್ಯುರಿಟಿ ಪಾಲಿಸಿ ಮುಖ್ಯಸ್ಥ ನಾಥನಿಯಲ್ ಗ್ಲೆಶೆರ್ ತಿಳಿಸಿದ್ದಾರೆ.