Advertisement
ರಾಹುಲ್‌ – ನಿಕ್ಸ್‌ ಭೇಟಿ: ಕಳೆದ ಆಗಸ್ಟ್‌ನಲ್ಲಿ ಕೇಂಬ್ರಿಜ್‌ ಅನಾಲಿಟಿಕಾದ ಆಗಿನ ಸಿಇಒ ಅಲೆಕ್ಸಾಂಡರ್‌ ನಿಕ್ಸ್‌, ಕಾಂಗ್ರೆಸ್ ಅಧ್ಯಕ್ಷ ರಾಹುಲ್‌ ಗಾಂಧಿ, ಮಾಜಿ ಸಚಿವ ರಾದ ಜೈರಾಮ್‌ ರಮೇಶ್‌ ಹಾಗೂ ಪಿ. ಚಿದಂಬರಂ ಭೇಟಿಯಾಗಿದ್ದಾಗ ಪ್ರಸ್ತಾವ ಮುಂದಿಡಲಾಗಿತ್ತು. ಒಟ್ಟು 50 ಪುಟಗಳನ್ನು ಹೊಂದಿದ್ದು, ಡೇಟಾ ಡ್ರಿವನ್‌ ಕ್ಯಾಂಪೇನ್‌, ದಿ ಪಾಥ್‌ ಟು 2018 ಲೋಕಸಭಾ ಎಂಬ ಶೀರ್ಷಿಕೆ ಹೊಂದಿತ್ತು.
ಮೂಲಗಳ ಪ್ರಕಾರ, ಕೇಂಬ್ರಿಜ್‌ ಬಲ ಪಂಥೀಯ ಧೋರಣೆ ಹೊಂದಿದೆ ಎಂಬ ಕಾರಣಕ್ಕೆ ಕಾಂಗ್ರೆಸ್ ಒಪ್ಪಲಿಲ್ಲ ಎನ್ನಲಾಗಿದೆ. ಕಾಂಗ್ರೆಸ್ ಸಂಘಟನೆಯ ಬೇರು ಮಟ್ಟದಲ್ಲೇ ಕೇಂಬ್ರಿಜ್‌ ಕೆಲಸ ಮಾಡಲಿರುವುದರಿಂದ, ಸಂಘಟನೆಯ ಮೇಲೆ ಪ್ರಭಾವ ಬೀರಬಹುದು ಎಂಬ ಕಾರಣವೂ ಇತ್ತು ಎನ್ನಲಾಗಿದೆ. ಒಪ್ಪಂದ ಮಾಡಿಕೊಂಡಿಲ್ಲ
ಅನಾಲಿಟಿಕಾ ಜತೆ ಕಾಂಗ್ರೆಸ್ ಒಪ್ಪಂದ ಮಾಡಿಕೊಂಡಿಲ್ಲ. ಆದರೆ ಈ ರೀತಿಯ ಪ್ರಸ್ತಾವ ಬರುತ್ತಲೇ ಇರುತ್ತವೆ. ಹಾಗೆಂದ ಮಾತ್ರಕ್ಕೆ ಪಕ್ಷ ಅವರ ಜತೆ ಕೆಲಸ ಮಾಡಿದೆ ಎಂದರ್ಥವಲ್ಲ ಎಂದು ದತ್ತಾಂಶ ವಿಭಾಗದ ಮುಖ್ಯಸ್ಥ ಹೇಳಿದ್ದಾರೆ.