ಜಾರಿ ನಿರ್ದೇಶನಾಲಯದ ಹೆಸರಲ್ಲಿ ವಸೂಲು!

ಹೊಸದಿಲ್ಲಿ: ಕೆಲವು ಕಿಡಿಗೇಡಿಗಳು ಜಾರಿ ನಿರ್ದೇಶನಾಲಯದ ಸಮನ್ಸ್‌ ಅಥವಾ ನೋಟಿಸ್‌ನ ಪ್ರತಿಯನ್ನು ನಕಲು ಮಾಡಿ, ಬೇರೆ ಬೇರೆ ವ್ಯಕ್ತಿಗಳಿಗೆ ಕಳುಹಿಸಿ ಹಣ ವಸೂಲು ಮಾಡುತ್ತಿರುವ ಪ್ರಕರಣಗಳು ಬೆಳಕಿಗೆ ಬಂದಿದ್ದು, ಈ ಬಗ್ಗೆ ಎಚ್ಚರಿಕೆಯಿಂದಿರಿ ಎಂದು ಸ್ವತಃ ಜಾರಿ ನಿರ್ದೇಶನಾಲಯವೇ ಸೋಮವಾರ ತಿಳಿಸಿದೆ. ಇಂಥ ಸಮನ್ಸ್‌ಗಳು ಬಂದರೆ, ಕೂಡಲೇ ನಮ್ಮನ್ನು ಸಂಪರ್ಕಿಸಿ ಎಂದೂ ನಾಗರಿಕರಿಗೆ ಸೂಚಿಸಿದೆ.

ಇ.ಡಿ. ಹೆಸರಿನಲ್ಲಿ ಉದ್ಯಮಿಗಳಿಗೆ ಅಥವಾ ಇತರರಿಗೆ ನೋಟಿಸ್‌ ಕಳುಹಿಸುವುದು, ತಮ್ಮನ್ನು ತಾವು ಇ.ಡಿ. ಅಧಿಕಾರಿಗಳು ಎಂದು ಸುಳ್ಳು ಹೇಳಿಕೊಂಡು ಬಂದು, ಹಣ ವಸೂಲು ಮಾಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ ಈ ಎಚ್ಚರಿಕೆ ನೀಡಲಾಗಿದೆ. ಜತೆಗೆ, ಇಂಥ ದೂರುಗಳಿಗೆ ಸಂಬಂಧಿಸಿ ಎಫ್ಐಆರ್‌ ಅನ್ನೂ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.