ICC Champions Trophy: ನ.26ಕ್ಕೆ ಐಸಿಸಿ ತುರ್ತು ಸಭೆ?

ದುಬೈ: ಮುಂದಿನ ವರ್ಷ ಪಾಕಿಸ್ತಾನದಲ್ಲಿ ನಡೆಯಲಿರುವ ಐಸಿಸಿ ಚಾಂಪಿಯನ್ಸ್‌ ಟ್ರೋಫಿಯ ಸಂಬಂಧ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ (ಐಸಿಸಿ) ನ.26ರಂದು ತುರ್ತು ಸಭೆ ನಡೆಸುವ ಸಾಧ್ಯತೆಯಿದೆ ಎಂದು ವರದಿಗಳು ಹೇಳಿವೆ.

ಸಭೆ ನಡೆಯುವ ತಾಣದ ಬಗ್ಗೆ ಇನ್ನೂ ಖಚಿತ ಮಾಹಿತಿ ಲಭ್ಯವಾಗಿಲ್ಲ. ಮುಂದಿನ ವರ್ಷ ಫೆಬ್ರವರಿ-ಮಾರ್ಚ್‌ ಮಧ್ಯೆ ನಡೆಯುವ ಟೂರ್ನಿಯ ಸಂಬಂಧ ಐಸಿಸಿ ತುರ್ತು ಸಭೆ ನಡೆಸಿ, ವೇಳಾಪಟ್ಟಿ, ತಾಣಗಳ ಬಗ್ಗೆ ನಿರ್ಧಾರ ತಾಳಲಿದೆ ಎನ್ನಲಾಗಿದೆ.