ಕೋವಿಡ್ ವೈರಸ್ ಜಾಗೃತಿ ವಿಡಿಯೋ ಸಂದೇಶ ನೀಡಿದ್ದ ಬಸ್ ಚಾಲಕನೇ ಸೋಂಕಿಗೆ ಬಲಿ!

ವಾಷಿಂಗ್ಟನ್‌: ಕೋವಿಡ್ 19 ವೈರಸ್ ಬೆಂಬಿಡದಂತೆ ಕಾಡುತ್ತಿದ್ದರೂ ಅಮೆರಿಕದಲ್ಲಿ ಇತ್ತೀಚೆಗೆ ಬಸ್‌ನಲ್ಲಿ ಮಹಿಳೆಯೊಬ್ಬಳು ಜಾಗೃತಿ ವಹಿಸದೆ ಹಲವಾರು ಬಾರಿ ಕೆಮ್ಮಿದ್ದಳು. ಇದರಿಂದ ಸಾಕಷ್ಟು ಇರುಸು ಮುರುಸುಗೊಂಡ ಬಸ್‌ ಚಾಲಕ ಜೋಸನ್‌ ಹರ್ಗ್ರೋವ್‌ (50) ಮಾರ್ಚ್‌ 24ರಂದು ಮಹಿಳೆಯು ಬಹಿರಂಗವಾಗಿ ಕೆಮ್ಮಿದ್ದನ್ನು ಉಲ್ಲೇಖೀಸಿ, ಕೋವಿಡ್ ಹಿನ್ನೆಲೆ ಬಸ್‌ನಲ್ಲಿ ಸಂಚರಿಸುವಾಗ ಪ್ರಯಾಣಿಕರು ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳಬೇಕು ಎಂದು ವೀಡಿಯೋ ಮಾಡಿ ಬಿಡುಗಡೆ ಮಾಡಿದ್ದರು.

ಇದಾದ ನಾಲ್ಕೇ ದಿನದಲ್ಲಿ ಜೋಸನ್‌ಗೆ ಸೋಂಕು ತಗಲಿತು. ಈಗ ಅವರು ಚಿಕಿತ್ಸೆ ಫ‌ಲಕಾರಿಯಾಗದೆ ಮೃತಪಟ್ಟಿದ್ದಾರೆ. ಅವರು ಈ ಹಿಂದೆ ಬಿಡುಗಡೆ ಮಾಡಿದ್ದ ವೀಡಿಯೋ ಇದೀಗ ವೈರಲ್‌ ಆಗಿದ್ದು, ಇದರಲ್ಲಿರುವ ಕೋವಿಡ್ 19 ವೈರಸ್ ಸೋಂಕು ತಡೆ ಸಂದೇಶ ಎಲ್ಲರ ಮನಕುಲುಕುತ್ತಿದೆ. ಅವರು ನೀಡಿದ ಸಂದೇಶ ಹಲವಾರು ಜೀವಗಳನ್ನು ಉಳಿಸಲು ನೆರವಾಗುತ್ತಿದೆ.