ಭಾರತದ ಆರ್ಥಿಕತೆ ಶೇ. 9.5ಕ್ಕೆ ಏರಿಕೆ ನಿರೀಕ್ಷೆ

ಹೊಸದಿಲ್ಲಿ: ಕೋವಿಡ್-19 ಲಾಕ್‌ಡೌನ್‌ ನಿಂದಾಗಿ ಇಳಿಮುಖವಾಗಿರುವ ಭಾರತದ ಆರ್ಥಿಕತೆ, ಮುಂದಿನ ಹಣಕಾಸು ವರ್ಷದಲ್ಲಿ (2021-22) ತ್ವರಿತ ಬೆಳವಣಿಗೆ ಕಾಣುವ ಮೂಲಕ ಶೇ. 9.5ಕ್ಕೇರಲಿದೆ ಎಂದು ವಿಶ್ವದ ಪ್ರಮುಖ ಕ್ರೆಡಿಟ್‌ ರೇಟಿಂಗ್‌ ಸಂಸ್ಥೆಗಳಲ್ಲೊಂದಾದ ಫಿಚ್‌ ರೇಟಿಂಗ್ಸ್‌ ಕಂಪೆನಿ ಹೇಳಿದೆ.

ತಾನು ಪ್ರಕಟಿಸಿರುವ ಅಪಾಕ್‌ ಸಾವೆರಿನ್‌ ಕ್ರೆಡಿಟ್‌ ಓವರ್‌ವ್ಯೂ ಎಂಬ ವರದಿಯಲ್ಲಿ ಈ ವಿಚಾರ ಉಲ್ಲೇಖೀ ಸಿರುವ ಕಂಪೆನಿ, ಪ್ರಸಕ್ತ ಹಣ ಕಾಸು ವರ್ಷದಲ್ಲಿ ಈ ಹಿಂದೆ ನಿರೀಕ್ಷಿಸಲಾಗಿದ್ದ ಒಟ್ಟು ರಾಷ್ಟ್ರೀಯ ಉತ್ಪನ್ನ (ಜಿಡಿಪಿ) ದಲ್ಲಿ ಶೇ. 5ರಷ್ಟು ಇಳಿಮುಖವಾಗಲಿದೆ ಎಂದಿದೆ.

ಮಾ. 25ರಿಂದ ದೇಶಾದ್ಯಂತ ಲಾಕ್‌ಡೌನ್‌ ಜಾರಿ ಗೊಳಿಸಿದ್ದರಿಂದ ದೇಶದ ಎಲ್ಲ ಆರ್ಥಿಕ ಚಟುವಟಿಕೆಗಳೂ ಸ್ಥಗಿತಗೊಂಡಿದ್ದವು. ಇದು ದೇಶದ ಒಟ್ಟಾರೆ ಆರ್ಥಿಕತೆಯ ಮೇಲೆ ದುಷ್ಪರಿಣಾಮ ಬೀರಿತ್ತು. ಮೇ 4ರಿಂದ ಲಾಕ್‌ಡೌನ್‌ನ ನಿರ್ಬಂಧ  ಸಡಿಲಿಸುತ್ತಿದ್ದು, ಆರ್ಥಿಕ ಚಟುವಟಿಕೆಗಳೂ ಹಂತ ಹಂತವಾಗಿ ಆರಂಭ ಗೊಂಡಿವೆ. ಆರ್ಥಿಕತೆಯ ಮೇಲೆ ಸಂಭವಿಸ ಬಹುದಾಗಿದ್ದ  ದುಷ್ಪರಿಣಾಮ ಇದರಿಂದಾಗಿ ದೂರ ವಾಗಲಿದ್ದು, 2021-22ರಲ್ಲಿ ಹಣಕಾಸು ಪರಿಸ್ಥಿತಿ ಶೇ. 9.5ಕ್ಕೆ ಏರಲಿದೆ ಎಂದು ಕಂಪೆನಿ ತಿಳಿಸಿದೆ.