ಭೂಕಂಪವೋ, ಅಣ್ವಸ್ತ್ರವೋ?

ಬೀಜಿಂಗ್‌/ಟೆಹರಾನ್‌: ಕೆಲ ದಿನಗಳ ಹಿಂದೆ ಅಮೆರಿಕ ಸೇನಾ ನೆಲೆ ಸಮೀಪದ ವರೆಗೆ ಕ್ಷಿಪಣಿ ಉಡಾಯಿಸಿದ್ದ ಉತ್ತರ ಕೊರಿಯಾ ಶನಿವಾರ ಮತ್ತೂಮ್ಮೆ ಪರಮಾಣು ಪರೀಕ್ಷೆ ನಡೆಸಿದೆ ಎಂದು ಹೇಳಲಾಗತ್ತಿದೆ. ಆದರೆ ಉತ್ತರ ಕೊರಿಯಾ ಮತ್ತು ಅದರ ಬೆಂಬಲಿಗ ರಾಷ್ಟ್ರ ಚೀನಾ ಈ ಬೆಳವಣಿಗೆಯನ್ನು ನಿರಾಕರಿಸಿದೆ. ಚೀನಾದ ಹವಾಮಾನ ಸಂಸ್ಥೆ ನೀಡಿರುವ ಹೇಳಿಕೆ ಪ್ರಕಾರ ಉತ್ತರ ಕೊರಿಯಾದ ರಹಸ್ಯ ಸ್ಥಳವೊಂದರಲ್ಲಿ ಭಾರಿ ಸ್ಫೋಟ ಸಂಭವಿಸಿದ್ದ ರಿಂದ  ಅಲ್ಪ ಪ್ರಮಾಣದ ಕಂಪನ ಉಂಟಾಗಿದೆ. ರಿಕ್ಟರ್‌ ಮಾಪಕದಲ್ಲಿ ಅದು 3.4ರಷ್ಟು ದಾಖಲಾಗಿತ್ತು ಎಂದು ತಿಳಿಸಿದೆ. 

ಈ ನಡುವೆ ಅಂತಾರಾಷ್ಟ್ರೀಯ ಒತ್ತಡಕ್ಕೆ ಮಣಿದಂತೆ ಕಂಡುಬಂದಿರುವ ಚೀನಾ, ತನ್ನ ಪರಮಾಪ್ತ ರಾಷ್ಟ್ರಕ್ಕೆ ಜವಳಿ, ತೈಲೋತ್ಪನ್ನಗಳ ರಫ‌¤ನ್ನು ನಿಯಂತ್ರಿಸಲು ಮುಂದಾಗಿದೆ. ವಿಶ್ವ ಸಂಸ್ಥೆ ಆ ದೇಶದ ಮೇಲೆ ಕಠಿಣಾತಿಕಠಿಣ ಆರ್ಥಿಕ  ದಿಗ½ಂಧನಗಳನ್ನು ವಿಧಿಸಿರುವುದರಿಂದ ಈ ನಿರ್ಧಾರಕ್ಕೆ ಬರಲಾಗಿದೆ. ಈಗಾಗಲೇ ಕಲ್ಲಿ ದ್ದಲು, ಕಬ್ಬಿಣದ ಅದಿರು, ಸಮುದ್ರೋತ್ಪನ್ನಗಳ ರಫ್ತು ಮಾಡುವುದನ್ನು ನಿಲ್ಲಿಸಲಾಗಿದೆ.ಇರಾನ್‌ ಕ್ಷಿಪಣಿ ಪರೀಕ್ಷೆ: ಮತ್ತೂಂದೆಡೆ ಅಮೆರಿಕದ ಎಚ್ಚರಿಕೆ ಹೊರತಾಗಿಯೂ ಕ್ಷಿಪಣಿ ಪರೀಕ್ಷೆ ನಡೆಸಿರು ವುದಾಗಿ ಇರಾನ್‌ ಹೇಳಿ ಕೊಂಡಿದೆ. ಈ ಮೂಲಕ ಅಣ್ವಸ್ತ್ರ ಅಭಿವೃದ್ಧಿ ಕಾರ್ಯಕ್ರಮ ನಡೆಸುವುದಿಲ್ಲ ಎಂದು ಪಾಶ್ಚಿಮಾತ್ಯ ರಾಷ್ಟ್ರಗಳ ಜತೆ ಮಾಡಿಕೊಂಡ ಒಪ್ಪಂದವನ್ನು ಮುರಿಯುವಂಥ ಪರೋಕ್ಷ ಎಚ್ಚರಿಕೆಯನ್ನು ನೀಡಿದೆ.