Humnabad: ಲಘು ಭೂಕಂಪನ

ಹುಮನಾಬಾದ: ತಾಲೂಕಿನ ಸಿಂದಬಂಧಗಿ-ಡಾಕುಳಗಿ ಗ್ರಾಮಗಳ ಮಧ್ಯದಲ್ಲಿ ಸೆ.5ರ ಮಂಗಳವಾರ ಬೆಳಿಗ್ಗೆ ಲಘು ಭೂಕಂಪನ ಸಂಭವಿಸಿದ್ದು, 2.6 ತೀವ್ರತೆ ದಾಖಲಾಗಿದೆ.

ಸಿಂದಬಂದಗಿ ಗ್ರಾಮದಿಂದ 1.5 ಕಿಮೀ ಆನಂತರದಲ್ಲಿ ಕೇಂದ್ರ ಬಿಂದು ಪತ್ತೆಯಾಗಿದೆ. ಬೆಳಗ್ಗೆ 9.11 ಗಂಟೆಗೆ ಲಘು ಭೂಕಂಪನದ ಅನುಭವ ಗ್ರಾಮಸ್ಥರಿಗೆ ಆಗಿದೆ. ಆದರೆ ಸಾರ್ವಜನಿಕರ‌ ಆಸ್ತಿ, ಪ್ರಾಣ ಹಾನಿ ಸಂಭವಿಸಿಲ್ಲ.

ಜಿಲ್ಲಾಡಳಿತದಿಂದ‌ ಮಾಹಿತಿ ಪಡೆದ ತಹಶೀಲ್ದಾರ ಅಂಜುಮ್ ತಬಾಸುಮ್, ಗ್ರೇಡ್-2 ತಹಶೀಲ್ದಾರ ಮಂಜುನಾಥ ಭೇಟಿ ನೀಡಿ ಜನರಿಂದ ಮಾಹಿತಿ ಪಡೆದುಕೊಂಡಿದ್ದಾರೆ. ಕಡಿಮೆ ತೀವ್ರತೆಯ ಲಘು ಭೂಕಂಪನ‌ ಸಂಭವಿಸಿರುವ ಕಾರಣ ಯಾರು ಕೂಡ ಹೆದರಬಾರದು ಎಂದು ಜನರಲ್ಲಿ ಆತ್ಮವಿಶ್ವಸ ತುಂಬುವ ಕೆಲಸ ಮಾಡಿದ್ದಾರೆ.