ದುಲೀಪ್‌ ಟ್ರೋಫಿ ಕ್ರಿಕೆಟ್‌: ಇಂಡಿಯಾ ಬ್ಲೂ-ರೆಡ್‌ ಪಂದ್ಯ ಡ್ರಾ

ಕಾನ್ಪುರ: ಇಂಡಿಯಾ ಬ್ಲೂ-ಇಂಡಿಯಾ ರೆಡ್‌ ನಡುವಿನ ದುಲೀಪ್‌ ಟ್ರೋಫಿ ಪಂದ್ಯ ನೀರಸ ಡ್ರಾದಲ್ಲಿ ಅಂತ್ಯವಾಗಿದೆ.
ಕಾನ್ಪುರದಲ್ಲಿ ನಡೆದ ಪಂದ್ಯದ ಮೊದಲ ಇನಿಂಗ್ಸ್‌ನಲ್ಲಿ ಇಂಡಿಯಾ ರೆಡ್‌ 383 ರನ್‌ ಬಾರಿಸಿ ಆಲೌಟಾಗಿತ್ತು. ಬಾಬಾ ಇಂದ್ರಜಿತ್‌ ದ್ವಿಶತಕ ಸಿಡಿಸಿ ಗಮನ ಸೆಳೆದಿದ್ದರು. ಇದಕ್ಕೆ ಉತ್ತರವಾಗಿ ಇಂಡಿಯಾ ಬ್ಲೂ ತಂಡ 444 ರನ್‌ ಪೇರಿಸಿ 61 ರನ್‌ ಮುನ್ನಡೆ ಸಂಪಾದಿಸಿತು.

2ನೇ ಇನಿಂಗ್ಸ್‌ ಆರಂಭಿಸಿದ ಇಂಡಿಯಾ ರೆಡ್‌ ತಂಡ, ಪಂದ್ಯದ ಮುಕ್ತಾಯದ ವೇಳೆ 5 ವಿಕೆಟಿಗೆ 133 ರನ್‌ ಮಾಡಿತ್ತು. ಈ ಚತುರ್ದಿನ ಪಂದ್ಯದ 3ನೇ ದಿನದಾಟಕ್ಕೆ ಮಳೆಯಿಂದ ಅಡ್ಡಿಯಾಗಿತ್ತು.

ಸಂಕ್ಷಿಪ್ತ ಸ್ಕೋರ್‌: ಇಂಡಿಯಾ ರೆಡ್‌-383 (ಇಂದ್ರಜಿತ್‌ 200, ಪಾಂಚಾಲ್‌ 36, ಅಂಕಿತ್‌ ರಜಪೂತ್‌ 56ಕ್ಕೆ 3, ಮನೋಜ್‌ ತಿವಾರಿ 30ಕ್ಕೆ 2) ಮತ್ತು 5ಕ್ಕೆ 133 (ರಿಷಭ್‌ ಪಂತ್‌ 46, ಬಾಬಾ ಇಂದ್ರಜಿತ್‌ ಅಜೇಯ 24, ರಜಪೂತ್‌ 17ಕ್ಕೆ 1). ಇಂಡಿಯಾ ಬ್ಲೂ-444 (ಹೂಡಾ 133, ವಿಹಾರಿ 105, ಕಣ್‌ì ಶರ್ಮ 94ಕ್ಕೆ 5).