ದುಧ್ವಾಗೆ ಕರ್ನಾಟಕದಿಂದ 11 ಆನೆಗಳ ಆಗಮನ

ಲಖೀಂಪುರ್‌: ನೇಪಾಳ ಗಡಿಯಲ್ಲಿರುವ ದುಧ್ವಾ ರಾಷ್ಟ್ರೀಯ ಉದ್ಯಾನವನಕ್ಕೆ ಕರ್ನಾಟಕದಿಂದ 11 ಕಾಡಾನೆಗಳು ಆಗಮಿಸಲಿವೆ. ದುಧ್ವಾ ಹುಲಿ ಸಂರಕ್ಷಣಾ ವಲಯದ ಉಪ ನಿರ್ದೇಶಕ ಮಹಾವೀರ ಕೌಜಲಗಿ ಈ ಮಾಹಿತಿ ನೀಡಿದ್ದಾರೆ.

490.3 ಚ.ಕಿ.ಮೀ. ವ್ಯಾಪ್ತಿಯಲ್ಲಿರುವ ಈ ಉದ್ಯಾನವನದಲ್ಲಿ ಸದ್ಯಕ್ಕೆ 14 ಆನೆಗಳಿವೆ.ಈ ಸಂತತಿಯ ಅಭಿವೃದ್ಧಿಗಾಗಿ ಕರ್ನಾಟಕದಿಂದ 11 ಆನೆಗಳನ್ನು ತರಿಸಲಾಗುತ್ತಿದೆ ಎಂದಿದ್ದಾರೆ. ಈ ನಡುವೆ ಶೀಘ್ರದಲ್ಲಿಯೇ ಉದ್ಯಾನವನದಲ್ಲಿ ಹುಲಿಗಣತಿ ಶುರುವಾಗಲಿದ್ದು, ಅದಕ್ಕಾಗಿ 450 ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲು ತೀರ್ಮಾನಿಸಲಾಗಿದೆ. ಇದೇ ವೇಳೆ ಬುಧವಾರದಿಂದ ದೇಶ ವಿದೇಶಗಳಿಂದ ಪ್ರವಾಸಿಗಳು ಅಲ್ಲಿಗೆ ಆಗಮಿಸಲಿದ್ದಾರೆ ಎಂದು ಅವರು ಹೇಳಿದ್ದಾರೆ.