Dubai; 12 ವರ್ಷದ ಯತ್ನ: 8 ಕೋಟಿ ರೂ. ಗೆದ್ದ ಭಾರತೀಯ ಮಹಿಳೆ!

ದುಬಾೖ: ಭಾರತೀಯ ಮಹಿಳೆಯೊಬ್ಬರು ದುಬಾೖಯ 12 ವರ್ಷಗಳ ಸತತ ಪ್ರಯತ್ನದಿಂದ ಸುಮಾರು 8 ಕೋಟಿ ರೂ. (1 ಮಿಲಿಯ ಡಾಲರ್‌) ಲಾಟರಿ ಬಹುಮಾನ ಗೆದ್ದುಕೊಂಡಿದ್ದಾರೆ. ವಿವಾಹ ವಾರ್ಷಿಕೋತ್ಸವಕ್ಕೆಂದು ಪತಿ ಉಡುಗೊರೆಯೆಂದು ನೀಡಿದ್ದ ಹಣದಿಂದ ಮೇ 3ರಂದು ರ್ಯಾಫ‌ಲ್‌ ಡ್ರಾ ಟಿಕೆಟ್‌ ಖರೀದಿಸಿದ ಪಂಜಾಬಿನ ನಿವಾಸಿ ಪಾಯಲ್‌ಗೆ ಅದೃಷ್ಟ ಒಲಿದಿದೆ.

12 ವರ್ಷಗಳಿಂದ ಪ್ರತಿ ಬಾರಿ ದುಬಾೖಗೆ ಭೇಟಿ ನೀಡಿದ ಸಂದರ್ಭ ಪತಿ ಅಥವಾ ಮಕ್ಕಳ ಹೆಸರಿನಲ್ಲಿ ಟಿಕೆಟ್‌ ಖರೀದಿಸುತ್ತಿದ್ದಾಗಿ ಪಾಯಲ್‌ ಹೇಳಿದ್ದಾರೆ. ಇದೀಗ ಲಾಟರಿ ಗೆದ್ದಿದ್ದು, ಆ ಮೊತ್ತವನ್ನು ಏನು ಮಾಡಬೇಕೆಂದು ಇನ್ನೂ ತಿಳಿದಿಲ್ಲ ಎಂದು ಮೊದಲು ಹೇಳಿದ ಪಾಯಲ್‌ ಬಳಿಕ ಅದರಿಂದ ಮಕ್ಕಳ ಭವಿಷ್ಯ ಸುಭದ್ರ ಗೊಳಿಸುವುದಾಗಿ ತಿಳಿಸಿದ್ದಾರೆ.