ಆರ್‌ಬಿಐಯ ಎಂಪಿಸಿಗೆ ಡಾ|ಶಶಾಂಕ ಭಿಡೆ ನೇಮಕ

ಬೆಳ್ತಂಗಡಿ/ ಹೊಸದಿಲ್ಲಿ: ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ)ನ ವಿತ್ತೀಯ ನೀತಿ ಸಮಿತಿ (ಎಂಪಿಸಿ)ಯ ಸದಸ್ಯರಾಗಿ ಹಿರಿಯ ವಿತ್ತತಜ್ಞ, ಬೆಳ್ತಂಗಡಿ ತಾಲೂಕಿನ ಮುಂಡಾಜೆ ಮೂಲದ ಡಾ| ಶಶಾಂಕ ಭಿಡೆ ಆಯ್ಕೆಯಾಗಿದ್ದಾರೆ.

ಡಾ| ಭಿಡೆ ಅವರು ಮನಮೋಹನ್‌ ಸಿಂಗ್‌ ವಿತ್ತ ಸಚಿವರಾಗಿದ್ದಾಗ ಹಣಕಾಸು ಇಲಾಖೆಯಲ್ಲಿ, ಬಳಿಕ ಹೊಸದಿಲ್ಲಿಯ ಎನ್‌ಸಿಎಇಆರ್‌ನಲ್ಲಿ ಸಂಶೋಧನ ಕೌನ್ಸಿಲರ್‌ ಆಗಿ ಸೇವೆ ಸಲ್ಲಿಸಿದ್ದರು. ಅವರು ಮುಂಡಾಜೆಯ ಜಿ.ಎನ್‌. ಭಿಡೆ ಅವರ ಪುತ್ರ.

ಇಂದಿನಿಂದ ಎಂಪಿಸಿ ತ್ರಿದಿನ ಸಭೆ
ಎಂಪಿಸಿಯ 3 ದಿನಗಳ ಸಭೆ ಬುಧವಾರ ಆರಂಭವಾಗಲಿದೆ. ಸಭೆಯಲ್ಲಿ ಸಾಲಗಳ ಮೂಲ ಬಡ್ಡಿ ದರವನ್ನು ಯಥಾಸ್ಥಿತಿಯಲ್ಲಿ ಇರಿಸುವ ನಿರ್ಣಯ ತೆಗೆದುಕೊಳ್ಳುವ ಸಾಧ್ಯತೆ ಇದೆ.