2024ರಲ್ಲಿ ಆಟೋ ಮೊಬೈಲ್‌ ಕ್ಷೇತ್ರಕ್ಕೆ ಲಾಭ: ದಾಖಲೆ ಮಾರಾಟ

ನವದೆಹಲಿ: ಡಿಸೆಂಬರ್‌ನಲ್ಲಿ ದಾಖಲೆ ಮಟ್ಟದ ಕಾರುಗಳು ಮಾರಾಟವಾಗುವುದರೊಂದಿಗೆ 2024ರ ಮುಕ್ತಾಯಕ್ಕೆ ಅಟೋಮೊಬೈಲ್‌ ಕ್ಷೇತ್ರಕ್ಕೆ ಭಾರೀ ಲಾಭ ದೊರೆತಿದೆ.

2024ರಲ್ಲಿ ಒಟ್ಟಾರೆ 43 ಲಕ್ಷ ಕಾರು ಮಾರಾಟವಾಗಿದ್ದು, ಹೊಸ ಮೈಲುಗಲ್ಲು ನಿರ್ಮಿಸಿದೆ. ಮಾರುತಿ ಸುಜುಕಿ, ಹುಂಡೈ, ಟಾಟಾ ಮೋಟಾರ್ಸ್‌, ಟೊಯೋಟಾ ಕಿರ್ಲೋಸ್ಕರ್‌, ಕಿಯಾ ಸೇರಿದಂತೆ ಎಲ್ಲ ಆಟೋಮೊಬೈಲ್‌ ಸಂಸ್ಥೆಗಳೂ ಈ ವರ್ಷ ಉತ್ತಮ ವ್ಯಾಪಾರವಾದ ಬಗ್ಗೆ ಮಾಹಿತಿ ಹಂಚಿಕೊಂಡಿವೆ.

ಕೈಗಾರಿಕೆಗಳಿಂದ ಡೀಲರ್‌ಗಳ ಬಳಿಗೆ ಬರುವ ವಾಹನಗಳ ಸಂಖ್ಯೆ 2024ರಲ್ಲಿ ಶೇ.10ರಿಂದ ಶೇ.12ರಷ್ಟು ಹೆಚ್ಚಳವಾಗಿದೆ ಎಂದು ಅಂದಾಜಿಸಲಾಗಿದೆ. ವರ್ಷದ ಮೊದಲಾರ್ಧದಲ್ಲಿ ನಿಧಾನಗತಿಯಲ್ಲಿದ್ದ ಮಾರಾಟ ವಷ್ಯಾìಂತ್ಯಕ್ಕೆ ಉತ್ತಮಗೊಂಡಿದೆ.