ವೀಗನ್‌ ಆಗ್ತಿದ್ದಾರಂತೆ ರಮ್ಯಾ!

ಇತ್ತೀಚೆಗಷ್ಟೇ ನಟಿ ರಮ್ಯಾ ಸಸ್ಯಾಹಾರಿಯಾಗಿ ಬದಲಾಗಿದ್ದರು. ಮೂಕ ಪ್ರಾಣಿಗಳ ಮೇಲೆ ನಡೆಯುತ್ತಿರುವ ಕ್ರೌರ್ಯದಿಂದ ನೊಂದು ಸಸ್ಯಹಾರಿಯಾಗಿ ಬದಲಾಗುತ್ತಿರುವುದಾಗಿ ರಮ್ಯಾ ಹೇಳಿಕೊಂಡಿದ್ದರು.

ಇದೀಗ ಈ ವಿಷಯದಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ರಮ್ಯಾ, ಸಸ್ಯಹಾರಿ ಮಾತ್ರವೇ ಆಗಿರದೆ, ಡೈರಿ ಉತ್ಪನ್ನಗಳನ್ನು ಸಹ ಸೇವಿಸುವುದನ್ನು ತ್ಯಜಿಸುವ ಮೂಲಕ ವೀಗನ್‌ ಆಗುವ ಪ್ರಯತ್ನದಲ್ಲಿದ್ದಾರಂತೆ!

ಹೌದು, ಸ್ವತಃ ರಮ್ಯಾ ಅವರೇ ಇಂಥದ್ದೊಂದು ವಿಷಯವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಒಟ್ಟಾರೆ ಇತ್ತೀಚಿನ ದಿನಗಳಲ್ಲಿ ನಿರಂತರವಾಗಿ ನಡೆಯುತ್ತಿರುವ ವನ್ಯಜೀವಿಗಳ ಮೇಲಿನ ಕ್ರೌರ್ಯ ರಮ್ಯಾ ಅವರನ್ನು ವೀಗನ್‌ ಆಗುವಂತೆ ಪ್ರೇರೆಪಿಸುತ್ತಿದೆಯಂತೆ.