Digiyatra; ಹೊಟೇಲ್‌ ಸೇರಿ ಎಲ್ಲೆಡೆ ಇನ್ನು ಡಿಜಿಯಾತ್ರೆ?

ಹೊಸದಿಲ್ಲಿ: ದೇಶದ 14 ವಿಮಾನ ನಿಲ್ದಾಣಗಳಲ್ಲಿ ಅಳವಡಿಕೆ ಯಾಗಿರುವ ಡಿಜಿಯಾತ್ರಾ ವ್ಯವಸ್ಥೆಯ ಚೆಕ್‌ ಇನ್‌ ವ್ಯವಸ್ಥೆಯನ್ನು ರೈಲು ನಿಲ್ದಾಣ, ಹೊಟೇಲ್‌ ಸೇರಿದಂತೆ ಇತರ ಸಾರ್ವಜನಿಕ ಸ್ಥಳಗಳಲ್ಲಿ ಅಳವಡಿಸಲಾಗುತ್ತದೆ. ಈ ಬಗ್ಗೆ ಡಿಜಿ ಯಾತ್ರಾ ಫೌಂಡೇಷನ್‌ನ ಸಿಇಒ ಸುರೇಶ್‌ ಖಡಕ್‌ಭಾವಿ ತಿಳಿಸಿದ್ದಾರೆ.

ಈ ನಿಟ್ಟಿನಲ್ಲಿ ಪ್ರವಾಸೋದ್ಯಮ ಮತ್ತು ರೈಲ್ವೇ ಇಲಾಖೆಗಳ ಜತೆಗೆ ಮಾತುಕತೆ ನಡೆಸಲಾಗುತ್ತಿದೆ ಎಂದು ಹೇಳಿದ್ದಾರೆ. ಏರ್‌ಪೋರ್ಟ್‌ಗಳಲ್ಲಿ ಅಳವಡಿಕೆ ಮಾಡಿರುವ ವ್ಯವಸ್ಥೆಯ ಮಾದರಿಯ ಯಂತ್ರಗಳನ್ನೇ ಹೊಟೇಲ್‌, ರೈಲು ನಿಲ್ದಾಣಗಳಲ್ಲಿ ಅಳವಡಿಸುವ ಬಗ್ಗೆ ಚಿಂತನೆಗಳು ನಡೆದಿವೆ.