ತಲೆಬುರುಡೆ ಗುರುತು ಪತ್ತೆಗೆ ಹೊಸ ತಂತ್ರಜ್ಞಾನ

ನವದೆಹಲಿ: ಗುರುತು ಪತ್ತೆಯಾಗದ ತಲೆಬುರುಡೆಗಳನ್ನು, ನಾಪತ್ತೆಯಾದವರ ಡಿಜಿಟಲ್‌ ಭಾವಚಿತ್ರದೊಂದಿಗೆ ತರ್ಕಬದ್ಧವಾಗಿ ತಾಳೆ ಮಾಡಿ ನೋಡುವ ಹೊಸ ತಂತ್ರಜ್ಞಾನವನ್ನು ಭಾರತದ “ಇಂದ್ರಪ್ರಸ್ಥ ಇನ್‌ಸ್ಟಿಟ್ಯೂಟ್‌ ಆಫ್ ಇನ್‌ಫಾರ್ಮೇಶನ್‌ ಟೆಕ್ನಾಲಜಿ’ ಎಂಬ ಸಂಸ್ಥೆ ಅಭಿವೃದ್ಧಿಪಡಿಸುತ್ತಿದೆ. ಇದು ಪೂರ್ಣಗೊಂಡರೆ, ಪೊಲೀಸ್‌, ಸಿಬಿಐ ಸೇರಿದಂತೆ ಯಾವುದೇ ತನಿಖಾ ಸಂಸ್ಥೆಗೆ ಅಥವಾ ವಿಧಿವಿಜ್ಞಾನ ಪ್ರಯೋಗಾಲಯದ ವಿಜ್ಞಾನಿಗಳಿಗೆ ವರದಾನವಾಗಲಿದೆ ಎಂದು  ಈ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ನಿರತರಾಗಿರುವ ತಂಡದ ಸದಸ್ಯೆ  ಪ್ರೊ. ರಿಚಾ ಸಿಂಗ್‌ ಮಾಹಿತಿ ನೀಡಿದ್ದಾರೆ.