Advertisement
ಪ್ರಧಾನಿ ಮೋದಿ ರವಿವಾರ ಬೆಳಗ್ಗೆ ಈ ಡಿಜಿಟಲ್‌ ಬ್ಯಾಂಕ್‌ಗಳಿಗೆ ವಚ್ಯುìವಲ್‌ ಆಗಿ ಚಾಲನೆ ನೀಡಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದ 2, ಸರಕಾರಿ ಸ್ವಾಮ್ಯದ 11, 12 ಖಾಸಗಿ ಬ್ಯಾಂಕ್‌ಗಳು, ಒಂದು ಸಣ್ಣ ಹಣಕಾಸು ಸಂಸ್ಥೆಗಳು ಈ ಯೋಜನೆಯಲ್ಲಿ ಭಾಗಿಯಾಗಿವೆ.
Related Articles
ಡಿಬಿಟಿ ಮೂಲಕ ಇದುವರೆಗೆ 25 ಲಕ್ಷ ಕೋಟಿ ರೂ.ಗಳನ್ನು ನೇರವಾಗಿ ಫ‌ಲಾನುಭವಿಗಳ ಖಾತೆಗೆ ಹಾಕ ಲಾಗಿದೆ. ಸೋಮವಾರ ಕಿಸಾನ್‌ ಸಮ್ಮಾನ್‌ನ ಮತ್ತೊಂದು ಕಂತಿನ ಹಣವನ್ನು ಹಾಕಲಾಗುವುದು ಎಂದು ಪ್ರಧಾನಿ ಮೋದಿ ಹೇಳಿದರು. ವರ್ಷಕ್ಕೆ 3 ಕಂತಿನಂತೆ 6 ಸಾವಿರ ರೂ.ಗಳನ್ನು ಈ ಯೋಜನೆ ಮೂಲಕ ನೀಡಲಾಗುತ್ತಿದೆ.
Advertisement
ರಾಜ್ಯದಲ್ಲಿ ನಾಲ್ಕು ಕಡೆಕರ್ನಾಟಕದಲ್ಲೂ ಈ ಡಿಜಿಟಲ್‌ ಬ್ಯಾಂಕ್‌ ಸೌಲಭ್ಯ ವನ್ನು ನಾಲ್ಕು ಕಡೆಗಳಲ್ಲಿ ನೀಡಲಾಗಿದೆ. ಮಂಗಳೂರು, ಬೆಂಗಳೂರು ಬಳಿ ಇರುವ ದೇವನಹಳ್ಳಿ, ಮೈಸೂರು ಮತ್ತು ರಾಯಚೂರಿನಲ್ಲಿ ತೆರೆಯಲಾಗಿದೆ. ದೇವನಹಳ್ಳಿ ಯಲ್ಲಿ ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಮತ್ತು ರಾಯಚೂರಿನಲ್ಲಿ ಸಂಸದ ರಾಜಾ ಅಮರೇಶ್ವರ ನಾಯಕ್‌ ಅವರು ಕೆನರಾ ಬ್ಯಾಂಕಿನ ಶಾಖೆಗಳಿಗೆ ಚಾಲನೆ ನೀಡಿದರು. ಮೈಸೂರಿನಲ್ಲಿ ಕರ್ಣಾಟಕ ಬ್ಯಾಂಕ್‌ ಶಾಖೆಗೆ ಕೇಂದ್ರ ಸಚಿವ ಎ. ನಾರಾಯಣಸ್ವಾಮಿ, ಮಂಗಳೂರಿನಲ್ಲಿ ಕರ್ಣಾಟಕ ಬ್ಯಾಂಕಿನ ಶಾಖೆಯನ್ನು ಸಂಸದ ನಳಿನ್‌ಕುಮಾರ್‌ ಉದ್ಘಾಟಿಸಿದರು. ಡಿಜಿಟಲ್‌ ಬ್ಯಾಂಕಿಂಗ್‌ ಪ್ರಯೋಜನಗಳು
1. ಉಳಿತಾಯ ಖಾತೆ ತೆರೆಯುವಿಕೆ
2. ಖಾತೆಯ ಬ್ಯಾಲೆನ್ಸ್‌ ಪರಿಶೀಲನೆ
3. ಪಾಸ್‌ಬುಕ್‌ ಮುದ್ರಣ
4. ನಗದು ವರ್ಗಾವಣೆ
5. ನಿಗದಿತ ಠೇವಣಿ ಹೂಡಿಕೆ
6. ಸಾಲದ ಅರ್ಜಿ
7. ಕ್ರೆಡಿಟ್‌ ಅಥವಾ ಡೆಬಿಟ್‌ ಕಾರ್ಡ್‌ಗಳಿಗೆ ಅರ್ಜಿ
8. ಬಿಲ್‌ಗ‌ಳು, ತೆರಿಗೆ ಪಾವತಿಸುವಿಕೆ