ದಿಗಂತ್‌ ಹೊಸ ಚಿತ್ರ ಉತ್ಸವ್‌

“ಚೌಕ’ ಚಿತ್ರದ ಯಶಸ್ಸಿನ ಖುಷಿಯಲ್ಲಿರುವ ದಿಗಂತ್‌ ಈಗ ಮತ್ತೂಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದು “ಉತ್ಸವ್‌’. ಈ ಚಿತ್ರವನ್ನು ಜಿ.ಎನ್‌. ರುದ್ರೇಶ್‌ ನಿರ್ದೇಶನ ಮಾಡುತ್ತಿದ್ದಾರೆ. ರುದ್ರೇಶ್‌ ಈ ಹಿಂದೆ “ಹಾಯ್‌’ ಎಂಬ ಚಿತ್ರ ಮಾಡಿದ್ದರು. ಈಗ “ಉತ್ಸವ್‌’ ಎಂಬ ಸಿನಿಮಾ ಮಾಡಲು ಹೊರಟಿದ್ದಾರೆ.

ಇದು ಮಲಯಾಳಂನ “ಚಾರ್ಲಿ’ ಚಿತ್ರದ ರೀಮೇಕ್‌ ಆಗಿದ್ದು, ಆ ಚಿತ್ರಲ್ಲಿ ದುಲ್ಕರ್‌ ಸಲ್ಮಾನ್‌ ನಟಿಸಿದ್ದರು. ಈಗ ಅವರ ಪಾತ್ರದಲ್ಲಿ ದಿಗಂತ್‌ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಲತಾ ಹೆಗಡೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈಗಾಗಲೇ ಮಹೇಶ್‌ ಬಾಬು ನಿರ್ದೇಶನದ, “ಆ ದಿನಗಳು’ ಚೇತನ್‌ ನಾಯಕರಾಗಿರುವ ಚಿತ್ರದಲ್ಲಿ ಲತಾ ನಾಯಕಿಯಾಗಿ ನಟಿಸಿದ್ದಾರೆ. ಆ ಚಿತ್ರ ಇನ್ನಷ್ಟೇ ತೆರೆಕಾಣಬೇಕಿದೆ.

ಹೊನ್ನಾವರ ಮೂಲದ ಲತಾ ನ್ಯೂಜಿಲೆಂಡ್‌ನ‌ಲ್ಲಿ ಮಾಡೆಲ್‌ ಆಗಿದ್ದವರು. ಈಗ ಕನ್ನಡದಲ್ಲೂ ಬಿಝಿಯಾಗುತ್ತಿದ್ದಾರೆ. ಈ ಚಿತ್ರವನ್ನು  ಹರ್ಷ ಪ್ರ„ವೇಟ್‌ ಲಿಮಿಟೆಡ್‌ನ‌ಡಿ ಸಂಜೀವ್‌ ಕಾಸೀ ಹಾಗೂ ಹರ್ಷ ಕಾಸೀ ನಿರ್ಮಿಸುತ್ತಿದ್ದಾರೆ. ಈಗಾಗಲೇ “ಐರಾ’, “ಶಾದಿಭಾಗ್ಯ’ ಚಿತ್ರವನ್ನು ನಿರ್ಮಿಸುತ್ತಿರುವ ಇವರು ಈಗ ದಿಗಂತ್‌ ಸಿನಿಮಾ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಸೆಲ್ವಂ ಛಾಯಾಗ್ರಹಣ, ಆಶೆ ಮೆಂಡೂಕ್‌ ಸಂಗೀತವಿದೆ.