ಮುಂದಿನ ತಿಂಗಳು ಧೈರ್ಯಂ ತೆರೆಗೆ

ಅಜೆಯ್‌ ರಾವ್‌ ಮೊದಲ ಬಾರಿ ಆಕ್ಷನ್‌ ಹೀರೋ ಆಗಿ ಕಾಣಿಸಿಕೊಂಡಿರುವ  “ಧೈರ್ಯಂ’ ಚಿತ್ರ  ಮುಂದಿನ ತಿಂಗಳು ರಾಜಾದ್ಯಂತ ತೆರೆ ಕಾಣಲಿದೆ. ಶಿವತೇಜಸ್‌ ನಿರ್ದೇಶನದ ಎರಡನೇ ಇದಾಗಿದ್ದು, ಇದರಲ್ಲಿ ಅಜೇಯ್‌ ರಾವ್‌ ಅವರ ಡಿಫ‌ರೆಂಟ್‌ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.  

ಡಾ.ಕೆ ರಾಜು ಈ ಚಿತ್ರದ ನಿರ್ಮಾಪಕರು.  ಸಮಾಜಮುಖೀ ಮನಸ್ಥಿತಿಯ ಹುಡುಗನೊಬ್ಬ ದುಷ್ಟ ಶಕ್ತಿಗಳ ವಿರುದ್ಧ ಹೋರಾಡಬೇಕಾದ ಸನ್ನಿವೇಶ ಬಂದಾಗ ಎದುರಾಗೋ ಸಂಕಷ್ಟ, ಸವಾಲುಗಳು ಮತ್ತು ಅದನ್ನು ಹೇಗೆ ಧೈರ್ಯವಾಗಿ ಎದುರಿಸುತ್ತಾನೆಂಬ ಕಥಾ ಹಂದರವನ್ನು ಈ ಚಿತ್ರ ಹೊಂದಿದೆಯಂತೆ. ಖಳನಟ ರವಿಶಂಕರ್‌ ಈ  ಚಿತ್ರದಲ್ಲಿ ಭ್ರಷ್ಟ ಪೊಲೀಸ್‌ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ.

ರವಿಶ‌ಂಕರ್‌  ಹಾಗೂ ಅಜೇಯ್‌ ನಡುವಿನ ಕಣ್ಣಾಮುಚ್ಚಾಲೆಯಾಟ ಈ ಚಿತ್ರದ ಹೈಲೈಟ್‌ ಅಂತೆ.  ಚಿತ್ರದಲ್ಲಿ ಅದಿತಿ ನಾಯಕಿಯಾಗಿ ನಟಿಸಿದ್ದಾರೆ. ಚಿತ್ರಕ್ಕೆ ಶೇಖರ್‌ ಚಂದ್ರ ಛಾಯಾಗ್ರಹಣ, ಎಮಿಲ್‌ ಸಂಗೀತವಿದೆ.