ದೇವಧರ್‌ ಟ್ರೋಫಿ: ಕರ್ನಾಟಕಕ್ಕೆ ಜಯ

ಧರ್ಮಶಾಲಾ: ದೇವಧರ್‌ ಟ್ರೋಫಿ ಕ್ರಿಕೆಟ್‌ನ ರೋಚಕ ಮುಖಾಮುಖಿಯಲ್ಲಿ ಕರ್ನಾಟಕ 6 ರನ್ನುಗಳಿಂದ ಇಂಡಿಯಾ ಬಿ ತಂಡವನ್ನು ಸೋಲಿಸಿದೆ. 

ಕರ್ನಾಟಕ ಆರ್‌. ಸಮರ್ಥ್ ಅವರ ಶತಕ ಸಾಹಸದಿಂದ (117) 8 ವಿಕೆಟಿಗೆ 296 ರನ್‌ ಪೇರಿಸಿದರೆ, ಇಂಡಿಯಾ ಬಿ 50 ಓವರ್‌ಗಳಲ್ಲಿ 9 ವಿಕೆಟಿಗೆ 290ರ ತನಕ ಬಂದು ಶರಣಾಯಿತು. ಇಂಡಿಯಾ ಬಿ ಪರ ಮನೋಜ್‌ ತಿವಾರಿ 120 ರನ್‌, ಸಿದ್ದೇಶ್‌ ಲಾಡ್‌ 70 ರನ್‌ ಹೊಡೆದರು. ಇವರು 4ನೇ ವಿಕೆಟಿಗೆ 218 ರನ್‌ ಜತೆಯಾಟ ನಡೆಸಿದರೂ ಪ್ರಯೋಜನವಾಗಲಿಲ್ಲ. ಶ್ರೇಯಸ್‌ ಗೋಪಾಲ್‌ ಸತತ 2 ಎಸೆತಗಳಲ್ಲಿ ತಿವಾರಿ ಮತ್ತು ಜಯಂತ್‌ ಯಾದವ್‌ (0) ವಿಕೆಟ್‌ ಕಿತ್ತು ಪಂದ್ಯಕ್ಕೆ ತಿರುವು ಕೊಟ್ಟರು.