ಬ್ರಿಟನ್‌:ವಿಶ್ವ ಪರಂಪರೆಯ ಸಪ್ತಾಹದ ಸಂದರ್ಭದಲ್ಲಿ, ಬ್ರಿಟಿಷ್‌ ಸಂಸತ್ತಿನ ಹೌಸ್‌ ಆಫ್ ಲಾರ್ಡ್ಸ್‌ನಲ್ಲಿ ಆಸಕ್ತಿದಾಯಕ ಕಾರ್ಯಕ್ರಮವನ್ನು ಆಯೋಜಿಸಲಾಯಿತು. ಈ ಸಂದರ್ಭದಲ್ಲಿ ಭಾರತದ ವಿವಿಧ ಪ್ರದೇಶಗಳ ಕೈಮಗ್ಗಗಳು ಗಮನ ಸೆಳೆದವು. ಹಸ್ತ ಶಿಲ್ಪಮ್‌ ಎಂಬ ಕಾರ್ಯಕ್ರಮವನ್ನು ಸಂಸ್ಕೃತ ಸೆಂಟರ್‌ ಫಾರ್‌ ಕಲ್ಚರಲ್‌ ಎಕ್ಸಲೆನ್ಸ್‌, ಯುಕೆ ಮೂಲದ ಕಲಾ ಚಾರಿಟಿ ಆಯೋಜಿಸಿದೆ ಮತ್ತು ಯುಕೆ ಮಾಜಿ ಇಂಧನ ಮತ್ತು ಹವಾಮಾನ ಬದಲಾವಣೆಯ ಸಚಿವ ಮತ್ತು ಪ್ರಸ್ತುತ ರೋಹ್ಯಾಂಪ್ಟನ್‌ ವಿಶ್ವವಿದ್ಯಾನಿಲಯದ ಕುಲಪತಿ ಬ್ಯಾರನೆಸ್‌ ವರ್ಮಾ ಅವರು ಆಯೋಜಿಸಿದ್ದರು.
ಕಾರ್ಯಕ್ರಮವನ್ನು ಪ್ರಾರಂಭಿಸಿ ಹಾಗೂ ಸಭೆಯನ್ನು ಉದ್ದೇಶಿಸಿ ಮಾತನಾಡಿಸ ಬ್ಯಾರನೆಸ್‌ ವರ್ಮಾ, ಸಂಪ್ರದಾಯಗಳು ಮತ್ತು ಪರಂಪರೆಯನ್ನು ಸಂರಕ್ಷಿಸುವ ಪ್ರಾಮುಖ್ಯವನ್ನು ಒತ್ತಿಹೇಳಿದರು ಮತ್ತು ಖೀ.ಓ ಮತ್ತು ಅದರಾಚೆಗಿನ ಅದರ ಮುಂದುವರಿದ ಪ್ರಯತ್ನಗಳು ಮತ್ತು ಸಾಂಸ್ಕೃತಿಕ ಉಪಕ್ರಮಗಳಿಗಾಗಿ ಸಂಸ್ಕೃತಿ ಸೆಂಟರ್‌ ಅನ್ನು ಶ್ಲಾಘಿಸಿದರು.
ಇಳಕಲ್‌ ಮತ್ತು ಮೊಳಕಮೂರು ಕೈಮಗ್ಗದ ಪ್ರಸ್ತುತಿ ರಾಧಿಕಾ ಜೋಶಿ ಅವರಿಂದ, ಸಂಕಲನ ಮತ್ತು ಮಧುಶ್ರೀ ಮೂರ್ತಿ ಅವರು ಸುಗ್ಗಿ ನೃತ್ಯದ ಮೂಲಕ ಕರ್ನಾಟಕದ ಜಾನಪದ ಕಲೆಯನ್ನು ಪ್ರಸ್ತುತ ಪಡಿಸಿದರು. ಮತ್ತೂಬ್ಬ ಕನ್ನಡತಿ ಹರ್ಷಾ ರಾಣಿ ಒಡಿಶಾದ ಸಂತಾಲಿಯನ್ನು ಪ್ರಸ್ತುತ ಪಡಿಸಿದರು. ಇತರ ಸಾಂಪ್ರದಾಯಿಕ ಮತ್ತು ಜಾನಪದ ನೃತ್ಯಗಳು ಸಂಸ್ಕೃತಿಗಳ ಮಿಶ್ರಣದ ನಿಜವಾದ ಪ್ರದರ್ಶನವಾಗಿ ಮೂಡಿಬಂತು.
ರಾಜಸ್ಥಾನ, ಸಿಂಧ್‌, ಪಶ್ಚಿಮ ಬಂಗಾಲ, ಅರುಣಾಚಲ ಪ್ರದೇಶ, ಕೇರಳ ಮತ್ತು ಒಡಿಶಾದ ಕೈಮಗ್ಗ ಮತ್ತು ನೇಯ್ಗೆ ಸಂಪ್ರದಾಯಗಳನ್ನು ಪುಷ್ಟೀಕರಿಸುವ ಪ್ರಸ್ತುತಿಗಳನ್ನು ನೀಡಲಾಯಿತು. ಸಿಂಧಿಗಳ ಅಜ್ರಕ್‌ ಸಂಪ್ರದಾಯದ ಕುರಿತು ಡಾ ಲಖು ಲುಹಾನ ಅವರ ಪ್ರಸ್ತುತಿ ಗಣನೀಯವಾಗಿ ಗಮನ ಸೆಳೆಯಿತು.
ಈ ಕಾರ್ಯಕ್ರಮವು ತನ್ನ ಶ್ರೀಮಂತ ಮತ್ತು ಅರ್ಥಪೂರ್ಣ ವಿಷಯಕ್ಕಾಗಿ ಹೊಗಳಿಕೆಗೆ ಪಾತ್ರವಾಯಿತು ಹಾಗೂ ಅಸಾಧಾರಣ ಪ್ರತಿಕ್ರಿಯೆಯನ್ನು ಪಡೆಯಿತು. ಇದು ಬ್ರಿಟಿಷ್‌ ಸಂಸತ್ತಿನಲ್ಲಿ ಈ ರೀತಿಯ ಮೊದಲನೆಯದು. ಸಂಸ್ಕೃತಿ ಕೇಂದ್ರದ ಸಂಸ್ಥಾಪಕ, ಟ್ರಸ್ಟಿ ರಾಗಸುಧಾ ವಿಂಜಮುರಿ ಧನ್ಯವಾದ ಅರ್ಪಿಸಿದರು.
