Desi Swara: ಪೋಲ್ಯಾಂಡ್‌ನ‌ಲ್ಲಿ ಕನ್ನಡಿಗರಿಂದ ಅದ್ದೂರಿಯ ಗಣೇಶ ಚತುರ್ಥಿ

ವಾರ್ಸಾ ಮತ್ತು ಕ್ರಕೋವ್‌:ಪೋಲ್ಯಾಂಡ್‌ನ‌ ಕನ್ನಡಿಗರು ಭಕ್ತಿಪೂರ್ಣ ಮತ್ತು ಸಂಭ್ರಮ ಭರಿತವಾಗಿ ಗಣೇಶ ಚತುರ್ಥಿ ಹಬ್ಬವನ್ನು ಆಚರಿಸಿದರು. ಈ ವರ್ಷ ವಾರ್ಸಾ ಮತ್ತು ಕ್ರಕೋವ್‌ ನಗರಗಳಲ್ಲಿ ಸೆ.7 ಮತ್ತು 8 ರಂದು ನಡೆದ ಈ ಹಬ್ಬವು ಕನ್ನಡಿಗರ ಸಮುದಾಯದ ಬಂಧವನ್ನು ಮತ್ತಷ್ಟು ಬಲಪಡಿಸಿತು.

ಯುರೋಪ್‌ನ ನಾಡಿನಲ್ಲಿ ಕನ್ನಡ ಸಂಸ್ಕೃತಿಯನ್ನು ಸಜೀವ ಗೊಳಿಸುತ್ತ, ಈ ಹಬ್ಬವು ಬೃಹತ್‌ ಸಂಖ್ಯೆಯಲ್ಲಿ ಕನ್ನಡಿಗರನ್ನು ಸೇರಿಸಿದ ವಿಶಿಷ್ಟ ಕಾರ್ಯಕ್ರಮವಾಗಿದೆ. ಹಬ್ಬದ ಕಾರ್ಯಕ್ರಮವು ಪೂಜೆಯೊಂದಿಗೆ ಪ್ರಾರಂಭವಾಯಿತು, ಇದರಲ್ಲಿ ಗಣೇಶನಿಗೆ ವಿಶೇಷವಾಗಿ ಸಾಂಪ್ರದಾಯಿಕ ರೀತಿಯಲ್ಲಿ ಪೂಜೆ ಸಲ್ಲಿಸಲಾಯಿತು. ವಿವಿಧ ಜಾನಪದ ಹಾಡುಗಳು, ಮಂಗಳವಾದ್ಯಗಳು ಹಾಗೂ ಭಜನೆಗಳಿಂದ ಆಧುನಿಕ ಹಾಗೂ ಪುರಾತನ ಶೈಲಿಯ ಸಂಭ್ರಮವನ್ನು ಕನ್ನಡಿಗರು ಪಾಲಿಸಿಕೊಂಡು ಹೋದರು. ಕನ್ನಡಿಗ ಸಮುದಾಯದ ಮಕ್ಕಳು, ಯುವಕರು, ಮತ್ತು ಹಿರಿಯರು ಎಲ್ಲರಿಗೂ ಸಮಾನವಾಗಿ ಭಾಗವಹಿಸುವುದಕ್ಕೆ ಅವಕಾಶ ನೀಡಿದ ಈ ಹಬ್ಬವು ಅಪರೂಪದ ಸಂಭ್ರಮವನ್ನು ತಂದಿತ್ತು.

ಕ್ರಕೋವ್‌ನಲ್ಲಿನ ಸಮಾರಂಭದ ಪ್ರಮುಖ ಆಕರ್ಷಣೆಯಾಗಿ, ಮಕ್ಕಳು ಮತ್ತು ಯುವಕರಿಗಾಗಿ ವಿವಿಧ ಕಲಾ ಸ್ಪರ್ಧೆಗಳು ಮತ್ತು ಪಠಣಗಳು ಏರ್ಪಡಿಸಲಾಗಿತ್ತು. ಇವು ಕನ್ನಡ ಪರಂಪರೆಯ ಬಗ್ಗೆ ವಿಶೇಷತೆಯನ್ನು ಹೊತ್ತು ಕನ್ನಡಿಗರಿಗೆಲ್ಲ ಒಂದು ವೈಶಿಷ್ಟ್ಯಮಯ ಅನುಭವ ನೀಡಿದವು. ವಾರ್ಸಾವೌನಲ್ಲಿ ಗಣಪತಿ ಮೂರ್ತಿಯ ಸುತ್ತ ಕೊಂಡಾಟ, ಹಾಡು-ಕೀರ್ತನೆಗಳು ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.

ಹಬ್ಬದ ಅಂಗವಾಗಿ ವಿವಿಧ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳು ಆಯೋಜಿಸಲಾಗಿದ್ದು, ಕರ್ನಾಟಕದ ಸಾಂಪ್ರದಾಯಿಕವಾದ ವಿವಿಧ ಆಹಾರ ವಿತರಣೆಯಾಗಿ ಪ್ರಸಾದ ರೂಪದಲ್ಲಿ ನೀಡಲಾಯಿತು. ಮಹಾಪ್ರಸಾದದ ವೈಶಿಷ್ಟ್ಯವಾಗಿ, ವಿಶೇಷ ಸಿಹಿಗಳು ಎಲ್ಲರ ಮನಸ್ಸಿಗೆ ಹತ್ತಿರವಾಗಿದ್ದವು.

ಈ ಸಂದರ್ಭದಲ್ಲಿ ಪೋಲ್ಯಾಂಡ್‌ನ‌ ಕನ್ನಡಿಗರು ತಮ್ಮ ಮೂಲಭೂತ ಸಂಸ್ಕೃತಿಯನ್ನು ವಿದೇಶದಲ್ಲಿ ಸಜೀವಗೊಳಿಸುವ ಜತೆಗೆ, ಸ್ಥಳೀಯ ಸಮುದಾಯಕ್ಕೂ ತಮ್ಮ ಸಂಸ್ಕೃತಿಯ ಬಗ್ಗೆ ಪರಿಚಯ ಮಾಡಿಸಿದರು.

ಕಾರ್ಯಕ್ರಮದ ಅಂಗವಾಗಿ, ಹಬ್ಬದ ಅರ್ಥವನ್ನು, ಅದರ ಹಿಂದಿರುವ ಸಂಪ್ರದಾಯ ಮತ್ತು ಅದರ ಮೂಲಕ ಬರುವ ಸಹಾನುಭೂತಿ ಹಾಗೂ ಒಗ್ಗಟ್ಟಿನ ಸಂದೇಶವನ್ನು ವಿವರಿಸಲಾಯಿತು. ಎಲ್ಲ ಕನ್ನಡಿಗರು ಈ ಹಬ್ಬವನ್ನು ಸ್ಮರಣೀಯ ಹಾಗೂ ಭಾವಪೂರ್ಣವಾಗಿ ಆಚರಿಸಿ, ತಮ್ಮ ರಕ್ತದಲ್ಲಿ ಬೆಸೆದಿರುವ ಪರಂಪರೆಯ ಶ್ರೇಷ್ಠತೆಯನ್ನು ಮತ್ತೂಮ್ಮೆ ಸ್ಮರಿಸಿಕೊಂಡರು.
ಈ ಹಬ್ಬವು ಪೋಲ್ಯಾಂಡ್‌ ಸಮಾಜದಲ್ಲಿ ಬಾಂಧವ್ಯವನ್ನು ಹೆಚ್ಚಿಸುವ ಮೂಲಕ ಕನ್ನಡಿಗರ ಒಗ್ಗಟ್ಟಿನ ಪ್ರತೀಕವಾಗಿ ನೆನಪಾಯಿತು.