ರೊಹಿಂಗ್ಯಾ ಹಿಂದೂಗಳಿಗೆ ಬಾಂಗ್ಲಾ ರಕ್ಷಣೆ ಕೊಡಲಿ

ಹೊಸದಿಲ್ಲಿ:  ಮ್ಯಾನ್ಮಾರ್‌ನಿಂದ ಬಾಂಗ್ಲಾದೇಶಕ್ಕೆ ಬಂದಿರುವ ರೊಹಿಂಗ್ಯಾ ಹಿಂದೂಗಳಿಗೆ ರಕ್ಷಣೆ ನೀಡಲು ಬಾಂಗ್ಲಾದೇಶ ಸರಕಾರಕ್ಕೆ ಒತ್ತಡ ಹೇರಬೇಕೆಂದು ವಿಶ್ವಹಿಂದೂ ಪರಿಷತ್‌ ಕೇಂದ್ರಕ್ಕೆ ಒತ್ತಾಯಿಸಿದೆ. 

ಈ ಬಗ್ಗೆ ಶೀಘ್ರವೇ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ರನ್ನು ಭೇಟಿಯಾಗುವುದಾಗಿ ಸಂಘಟನೆ ಹೇಳಿದೆ. ರೊಹಿಂಗ್ಯಾ ನಿರಾಶ್ರಿತರ ಬಗ್ಗೆ ಕೇಂದ್ರ ತಳೆದಿರುವ ನಿಲುವನ್ನು ಅದು ಸ್ವಾಗತಿಸಿದೆ. ಈ ನಡುವೆ ವಿಶ್ವಸಂಸ್ಥೆ ಬಾಂಗ್ಲಾದೇಶದಲ್ಲಿರುವ ಹಾಲಿ ಮತ್ತು ಮುಂದಿನ ದಿನಗಳಲ್ಲಿ ಆ ದೇಶ ಪ್ರವೇಶಿಸುವ ಸುಮಾರು 7 ಲಕ್ಷ ನಿರಾಶ್ರಿತರಿಗೆ ಆಹಾರ ನೀಡುವ ಬೃಹತ್‌ ಯೋಜನೆ ಹಾಕಿಕೊಂಡಿದೆ. ಈ ನಡುವೆ ಉಗ್ರರು ಯಾವ ರೀತಿ ಹತ್ಯೆ ಮಾಡಿದರು ಎನ್ನುವುದನ್ನು ರಾಖೀನೆ ಪ್ರಾಂತ್ಯದ ಹಿಂದೂಗಳು ಹಲವು ಮಾಧ್ಯಮಗಳಿಗೆ ವಿವರಿಸಿದ್ದಾರೆ.