ರಕ್ಷಣಾ ಬಜೆಟ್‌ ವಿವರ ಬಹಿರಂಗ ಕೈಬಿಟ್ಟ ಚೀನ

ಬೀಜಿಂಗ್‌: ವಾರ್ಷಿಕ ವಿತ್ತ ಬಜೆಟ್‌ಗೂ ಮುನ್ನವೇ ರಕ್ಷಣಾ ಬಜೆಟ್‌ನಲ್ಲಿ ರಕ್ಷಣಾ ವೆಚ್ಚಕ್ಕೆ ನಿಗದಿಗೊಳಿಸಿರುವ ಶೇಕಡಾವಾರು ಪ್ರಕಟಿಸುವ ಸಂಪ್ರದಾಯವನ್ನು ಈ ಬಾರಿ ಚೀನ ಕೈಬಿಟ್ಟಿದೆ. ರಕ್ಷಣಾ ವೆಚ್ಚ ಸೂಕ್ತ ಪ್ರಮಾಣದಲ್ಲಿ ಏರಿಕೆಯಾಗಿದ್ದು, ಇದು ಯಾವುದೇ ದೇಶಗಳಿಗೆ ಆತಂಕ ಉಂಟುಮಾಡುವಂತಿಲ್ಲ ಎಂದು ಹೇಳಿದೆ.

ಇನ್ನೊಂದೆಡೆ ಬೆಲ್ಟ್ ಆ್ಯಂಡ್‌ ರೋಡ್‌ ಯೋಜನೆ ಚೀನದ ಪ್ರಭಾವ ಹೆಚ್ಚಿಸಿಕೊಳ್ಳುವ ಯೋಜನೆ ಎಂಬ ಆರೋಪವನ್ನು ಚೀನ ತಳ್ಳಿಹಾಕಿದೆ. ಸಾಮಾನ್ಯವಾಗಿ ಪ್ರತಿ ವರ್ಷವೂ ವಿತ್ತ ಬಜೆಟ್‌ನ ಎಷ್ಟು ಶೇಕಡಾವಾರು ಭಾಗವನ್ನು ರಕ್ಷಣಾ ವೆಚ್ಚಕ್ಕೆ ಮೀಸಲಿಡಲಾಗಿದೆ ಎಂದು ಮೊದಲೇ ಘೋಷಣೆ ಮಾಡಲಾಗುತ್ತಿತ್ತು. ಆದರೆ ಈ ಬಾರಿ ಹಾಗೆ ಮಾಡಿಲ್ಲ. ಆದರೆ ಚೀನದ ಆರ್ಥಿಕತೆಯ ಹೆಚ್ಚಳಕ್ಕೆ ಅನುಗುಣವಾಗಿ ರಕ್ಷಣಾ ವೆಚ್ಚವನ್ನೂ ಏರಿಕೆ ಮಾಡಲಾಗಿದೆ ಎಂದು ಹೇಳಿದ್ದಾರೆ.

ಸೋಮವಾರದಿಂದ ಆರಂಭವಾಗಲಿರುವ ಅಧಿವೇಶನದಲ್ಲಿ ಚೀನ ಅಧ್ಯಕ್ಷ ಕೆಖೀಯಾಂಗ್‌ ರಕ್ಷಣಾ ವೆಚ್ಚದ ಶೇಕಡಾವಾರು ಘೋಷಿಸುವ ಸಾಧ್ಯತೆಯಿದೆ.