ಕೆರೆಯಲ್ಲಿ ಬಿದ್ದು ಯುವಕರಿಬ್ಬರ ಸಾವು

ಕಲಬುರಗಿ: ದಸರಾ ಅಂಗವಾಗಿ ಮನೆಯಲ್ಲಿ ದೇವಿ ಹೆಸರಲ್ಲಿ ಹಾಕಿದ್ದ ಸಸಿಗಳನ್ನು ಕೆರೆಯಲ್ಲಿ ಬಿಡಲು ಹೋದ ಯುವಕರಿಬ್ಬರು ಮೃತಪಟ್ಟ ಘಟನೆ ತಾಲೂಕಿನ ಕೊಳ್ಳೂರಲ್ಲಿ ಬುಧವಾರ ನಡೆದಿದೆ.

ದಸರಾ ಹಬ್ಬದ ಅಂಗವಾಗಿ 9 ದಿನಗಳ ಕಾಲ ದೇವಿ ಹೆಸರಲ್ಲಿ ಘಟಸ್ಥಾಪನೆ ಮಾಡಿದ ನಂತರ, ದೇವರ ಎದುರಲ್ಲಿ ಬೆಳೆದ ಸಸಿಯನ್ನು ವಿಜಯದಶಮಿ ಮರುದಿನ ಕೆರೆ, ಬಾವಿ, ಹಳ್ಳಗಳಲ್ಲಿ ವಿಸರ್ಜನೆ ಮಾಡಲಾಗುತ್ತದೆ.

ಈ ಪದ್ಧತಿಯಂತೆ ಸಸಿಗಳನ್ನು ಕೊಳ್ಳೂರ ಗ್ರಾಮದ ಬಳಿಯಿರುವ ಗೊಬ್ಬೂರ ಕೆರೆಯಲ್ಲಿ ರುವ ಹಿನ್ನೀರಿನಲ್ಲಿ ಬಿಡಲು ಹೋದ ಗಣೇಶ ನಿಂಗಯ್ನಾ ಗುತ್ತೇದಾರ (18), ಗೋಪಾಲ ಸುರೇಶ ಪಾಟೀಲ (19) ಕಾಲು ಜಾರಿ ಬಿದ್ದು, ನೀರಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ.