ಕಾಸರಗೋಡು: ಯುವಕ ನನ್ನು ತಲೆ ಕಡಿದು ಕೊಲೆಗೈದು ರುಂಡ ವನ್ನು ಮೈದಾನಕ್ಕೆ ಕೊಂಡೊಯ್ದು ಚೆಂಡಾ ಡಿದ ಪ್ರಕರಣದಲ್ಲಿ ಆರು ಮಂದಿಗೆ ನ್ಯಾಯಾಲಯ ಜೀವಾವಧಿ ಸಜೆ ಹಾಗೂ
1.5 ಲಕ್ಷ ರೂ. ದಂಡ ವಿಧಿಸಿ ತೀರ್ಪು ನೀಡಿದೆ. ಇತರ ಕಾಯ್ದೆಯಂತೆ 5ರಿಂದ 7 ವರ್ಷಗಳ ವರೆಗೆ ಕಠಿನ ಸಜೆ ವಿಧಿಸಿದೆ.
ಕುಂಬಳೆ ಪೊಲೀಸ್‌ ಠಾಣೆ ವ್ಯಾಪ್ತಿಯ ಪೇರಾಲ್‌ ನಿವಾಸಿ ಅಬ್ದುಲ್‌ ಸಲೀಂ(27) ಅವರನ್ನು ಪೆರುವಾಡು ಮಾಳಿಯಂಗರ ಕೋಟ್ಟದ ಮೈದಾನದಲ್ಲಿ 2017 ಎ. 30ರಂದು ಕೊಲೆಗೈದ ಪ್ರಕರಣದಲ್ಲಿ ಕುಂಬಳೆ ಪೊಲೀಸ್‌ ಠಾಣೆ ವ್ಯಾಪ್ತಿಯ ಮಾಂಙಾಮಿಡಿ ಸಿದ್ದಿಕ್‌ (39), ಉಮ್ಮರ್‌ ಫಾರೂಕ್‌(29), ಸಹೀರ್‌(32), ನಿಯಾಸ್‌(32), ಲತೀಫ್‌(36), ಹರೀಶ್‌(29) ಗೆ ಕಾಸರಗೋಡು ಜಿಲ್ಲಾ ಅಡಿಷನಲ್‌ ಸೆಶನ್ಸ್‌ ನ್ಯಾಯಾಲಯ ಈ ಸಜೆ ವಿಧಿಸಿದೆ.
ಸಲೀಂ ಜತೆಯಲ್ಲಿದ್ದ ಗೆಳೆಯ ನೌಶಾದ್‌ಗೆ ಇರಿದು ಗಾಯಗೊಳಿಸಲಾಗಿತ್ತು. ಪ್ರಕರಣದಲ್ಲಿ 8 ಮಂದಿ ಆರೋಪಿಗಳಿದ್ದರು. ಇವರಲ್ಲಿ ಅರುಣ್‌ ಕುಮಾರ್‌ ಮತ್ತು ಖಲೀಲ್‌ನನ್ನು ನ್ಯಾಯಾಲಯ ಖುಲಾಸೆಗೊಳಿ ಸಿದೆ. ಸಿದ್ದಿಕ್‌ ಈ ಮೊದಲು ಕೊಲೆ ಪ್ರಕರಣವೊಂದರಲ್ಲೂ, ಉಮ್ಮರ್‌ ಫಾರೂಕ್‌ ಎರಡು ಕೊಲೆ ಪ್ರಕರಣದಲ್ಲೂ ಆರೋಪಿಗಳಾಗಿದ್ದಾರೆ.ಕೊಲೆಯಾದ ಸಲೀಂ ಕೂಡ ಕೊಲೆ ಪ್ರಕರಣದಲ್ಲಿ ಆರೋಪಿಯಾಗಿದ್ದ. ಕುಂಬಳೆ ಪೊಲೀ ಸರು ಪ್ರಕರಣ ದಾಖಲಿಸಿಕೊಂಡಿದ್ದರು.
