ಜೆ.ಪಿ.ನಡ್ಡಾ ಸಾಂಕೇತಿಕ ಸಮಾಧಿ ರಚನೆ!

ಹೈದರಾಬಾದ್‌: ತೆಲಂಗಾಣದ ನಲ್ಗೊಂಡಾ ಜಿಲ್ಲೆಯ ಮನುಗೋಡು ಗ್ರಾಮದಲ್ಲಿ ಕಿಡಿಗೇಡಿಗಳು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾರ ಸಾಂಕೇತಿಕ ಸಮಾಧಿ ರಚಿಸಿದ್ದಾರೆ.

ಸಮಾಧಿ ಬಳಿ ನಡ್ಡಾ ಅವರ ಫೋಟೋವಿರುವ ಫ್ಲೆಕ್ಸ್‌ ಹಾಕಲಾಗಿದ್ದು, ಅದರಲ್ಲಿ “ಪ್ರಾದೇಶಿಕವಾಗಿ ಫ್ಲೋರೈಡ್‌ ತಗ್ಗಿಸುವಿಕ ಮತ್ತು ಸಂಶೋಧನಾ ಕೇಂದ್ರ’ ಎಂದು ಬರೆಯಲಾಗಿದೆ.

ಈ ಬಗ್ಗೆ ಬಿಜೆಪಿ ನಾಯಕ ಎನ್‌.ವಿ.ಸುಭಾಷ್‌ ಮಾತನಾಡಿದ್ದು, “ನಡ್ಡಾ ಅವರಿಗೆ ಈ ರೀತಿಯಲ್ಲಿ ಅವಮಾನಿಸಿರುವುದು ಮೂರ್ಖತನ. ನಾವು ಇದನ್ನು ಖಂಡಿಸುತ್ತೇವೆ ಹಾಗೂ ಪೊಲೀಸರಿಗೆ ದೂರು ನೀಡುತ್ತೇವೆ’ ಎಂದು ಹೇಳಿದ್ದಾರೆ.