ನೆಹರೂಗೆ ಚಿಕಿತ್ಸೆ ನೀಡಿದ್ದ ಖ್ಯಾತ ವೈದ್ಯ ದಾಸ್‌ ನಿಧನ

ಭುವನೇಶ್ವರ್‌: 1964ರಲ್ಲಿ ಒಡಿಶಾದ ಭುವನೇಶ್ವರ್‌ಗೆ ಆಗಮಿಸಿದ ಅಂದಿನ ಪ್ರಧಾನಿ ಜವಾಹರ್‌ ಲಾಲ್‌ ನೆಹರೂ ಅವರಿಗೆ ಚಿಕಿತ್ಸೆ ನೀಡಿದ್ದ ಖ್ಯಾತ ವೈದ್ಯ ಗೋವಿಂದ ಚಂದ್ರ ದಾಸ್‌(96) ಶುಕ್ರವಾರ ನಿಧನ ಹೊಂದಿದ್ದಾರೆ.

ಒಡಿಶಾದ ಕೇಂದ್ರಪಾರ ಪಟ್ಟಣದ ನಿವಾಸಿಯಾಗಿದ್ದ ಅವರು, ಪತ್ನಿ, ಇಬ್ಬರು ಪುತ್ರರು ಮತ್ತು ಒಬ್ಬ ಪುತ್ರಿಯನ್ನು ಅಗಲಿದ್ದಾರೆ. 1964ರ ಜನವರಿಯಲ್ಲಿ ಒಡಿಶಾದ ಭುವನೇಶ್ವರ್‌ನಲ್ಲಿ ನಡೆದ 68ನೇ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ ಅಧಿವೇಶನದಲ್ಲಿ ಭಾಗವಹಿಸಲು ಜವಾಹರ್‌ ಲಾಲ್‌ ನೆಹರು ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಅನಾರೋಗ್ಯಗೊಂಡಿದ್ದ ಅವರನ್ನು ಗೋವಿಂದ ಚಂದ್ರ ದಾಸ್‌ ಅವರು ಚಿಕಿತ್ಸೆ ನೀಡಿ ಗುಣಪಡಿಸಿದ್ದರು. ಈ ವೇಳೆ ಇಂದಿರಾ ಗಾಂಧಿ ಅವರು ತಂದೆಯ ಜತೆಗಿದ್ದರು.