ಮಳೆ-ಗಾಳಿಗೆ ಸಾಯಿಪ್ರಿಯಾ ಕಾರ್ಖಾನೆಯಲ್ಲಿ ಹಾನಿ

ಜಮಖಂಡಿ: ಹಿಪ್ಪರಗಿ-ಅಲಬಾಳ ಗ್ರಾಮದ ಸುತ್ತಲಿನ ಪ್ರದೇಶದಲ್ಲಿ ಭಾರಿ ಗಾಳಿ-ಸಹಿತ ಮಳೆಗೆ ಸಾಯಿಪ್ರಿಯಾ ಸಕ್ಕರೆ ಕಾರ್ಖಾನೆಯಲ್ಲಿ ಅಪಾರ ಪ್ರಮಾಣದ ಹಾನಿಯಾಗಿದೆ.

ಆಕಸ್ಮಿಕವಾಗಿ ಬೀಸಿದ ಗಾಳಿ ಹಾಗೂ ಮಳೆಯಿಂದ ಕಾರ್ಖಾನೆಯ ಬಗ್ಯಾಸ್‌ ಯಾರ್ಡ್‌ನಲ್ಲಿರುವ ದೊಡ್ಡ ಎಂಗಲ್‌ ಗಳು, ಕಿಟಕಿ ಗಾಜುಗಳು ಹಾನಿಯಾಗಿವೆ. ಗಾಳಿಯ ರಭಸಕ್ಕೆ ಪತ್ರಾಸ್‌ ಶೆಡ್‌ಗಳು ಕುಸಿದು ಬಿದ್ದಿದ್ದು ಅಂದಾಜು ಮೂರು ಕೋಟಿಗೂ ಅಧಿಕ ಮೌಲ್ಯದ ಹಾನಿ ಸಂಭವಿಸಿದೆ ಎಂದು ಕಾರ್ಖಾನೆ ಹಿರಿಯ ಅಧಿಕಾರಿಯಾದ ಪ್ರಶಾಂತ ಎಸ್‌. ಕುಲಕರ್ಣಿ ತಿಳಿಸಿದ್ದಾರೆ.

ಆಕಸ್ಮಿಕ ಮಳೆ ಗಾಳಿಗೆ ಹಿಪ್ಪರಗಿ, ಶಿರಗುಪ್ಪಿ, ಅಲಬಾಳ ಸೇರಿದಂತೆ ಸುತ್ತಲಿನ ಗ್ರಾಮಗಳ ರೈತರ ಮನೆಗಳು, ಶೆಡ್‌ಗಳು ಕುಸಿದು ತೀವ್ರ ನಷ್ಟವಾಗಿದೆ ಎಂದು ಅವರು ಹೇಳಿದ್ದಾರೆ.