ಸ್ಟುಡಿಯೋದಲ್ಲಿ ಅಪ್ಪ-ಮಗ

ಬಹುತೇಕರಿಗೆ ಒಂದು ಆಸೆ ಇರುತ್ತದೆ. ಅದೇನೆಂದರೆ ತಮ್ಮ ಮಕ್ಕಳು ಕೂಡಾ ತಮ್ಮ ಕ್ಷೇತ್ರಕ್ಕೆ ಬರಬೇಕೆಂದು. ಅದರಲ್ಲೂ ಸಿನಿಮಾ ಮಂದಿಗೆ ತಮ್ಮ ಕುಟುಂಬದ ಯಾರಾದರೊಬ್ಬರು ಮುಂದೆ ಚಿತ್ರರಂಗದಲ್ಲಿರಬೇಕೆಂಬ ಆಸೆ ಇರುತ್ತದೆ. ಈಗಾಗಲೇ ಅನೇಕ ಹೀರೋಗಳು ತಮ್ಮ ಮಕ್ಕಳನ್ನು ಬಾಲನಟ-ನಟಿಯರಾಗಿ ಚಿತ್ರರಂಗಕ್ಕೆ ಪರಿಚಯಿಸಿ, ಭವಿಷ್ಯದ ಕನಸು ಕಂಡಿದ್ದಾರೆ. ನಟ ಗಣೇಶ್‌ ತಮ್ಮ ಪುತ್ರ ವಿಹಾನ್‌ನನ್ನು ಚಿತ್ರರಂಗಕ್ಕೆ ಪರಿಚಯಿಸಲು ಮುಂದಾಗಿದ್ದಾರೆ.

ವಿಹಾನ್‌ ಈಗಾಗಲೇ “ಗೀತಾ’ ಚಿತ್ರದ ದೃಶ್ಯವೊಂದರಲ್ಲಿ ನಟಿಸಿದ್ದು, ಈಗ ವಿಹಾನ್‌ ಡಬ್ಬಿಂಗ್‌ ಕೂಡಾ ಮಾಡಿದ್ದಾರೆ. ಅಪ್ಪನ ಜೊತೆಗೆ ವಿಹಾನ್‌ ಕೂಡಾ ಡಬ್ಬಿಂಗ್‌ ಮಾಡಿದ್ದಾರೆ. ಈ ಮೂಲಕ ಸಿನಿಮಾ ತರಬೇತಿ ಪಡೆಯುತ್ತಿದ್ದಾರೆ. ಮಗ ಡಬ್ಬಿಂಗ್‌ ಮಾಡುತ್ತಿರುವ ಫೋಟೋವನ್ನು ಗಣೇಶ್‌ ಟ್ವೀಟ್‌ ಮಾಡಿದ್ದಾರೆ. ಗಣೇಶ್‌ ನಾಯಕರಾಗಿರುವ “ಗೀತಾ’ ಚಿತ್ರದಲ್ಲಿ ಸಾನ್ವಿ, ಪ್ರಯಾಗ್‌ ಹಾಗೂ ಪಾರ್ವತಿ ನಾಯಕಿಯರಾಗಿದ್ದಾರೆ. ಚಿತ್ರ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.