ಕಾಮನ್ವೆಲ್ತ್ ಗೇಮ್ಸ್; ಲಾನ್‌ ಬೌಲ್‌: ವನಿತಾ ಜೋಡಿ ಪರಾಭವ

ಬರ್ಮಿಂಗ್‌ಹ್ಯಾಮ್‌: ಲಾನ್‌ಬೌಲ್‌ ವನಿತಾ ಫೋರ್‌ ವಿಭಾಗದಲ್ಲಿ ಭಾರತ ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಆದರೆ ವನಿತಾ ಡಬಲ್ಸ್‌ನಲ್ಲಿ ಇದೇ ಸಾಧನೆ ಕಂಡುಬರಲಿಲ್ಲ.

ಲವ್ಲಿ ಚೌಬೆ-ನಯನ್ಮೋನಿ ಸೈಕೈ ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋತು ಹೊರಬಿದ್ದರು. ಭಾರತೀಯ ಜೋಡಿಯನ್ನು ಆತಿಥೇಯ ಇಂಗ್ಲೆಂಡ್‌ನ‌ ಸೋಫಿ ಟೋಲ್ಕಾರ್ಡ್‌-ಆ್ಯಮಿ ಫಾರೊ ಸೇರಿಕೊಂಡು 18-14 ಅಂತರದಿಂದ ಮಣಿಸಿದರು.

4ನೇ ಹಾಗೂ 9ನೇ ಸುತ್ತಿನ ಬಳಿಕ ಭಾರತೀಯ ಜೋಡಿಯೇ ಮುಂದಿತ್ತು. ಆದರೆ 10ನೇ ಸುತ್ತಿನ ಬಳಿಕ ಇದೇ ಲಯವನ್ನು ಕಾಯ್ದುಕೊಳ್ಳಲು ಚೌಬೆ-ಸೈಕೈ ವಿಫ‌ಲರಾದರು.

ಸೆಮಿಫೈನಲ್‌ನಲ್ಲಿ ಇಂಗ್ಲೆಂಡ್‌-ನ್ಯೂಜಿಲೆಂಡ್‌; ಆಸ್ಟ್ರೇಲಿಯ-ಮಲೇಷ್ಯಾ ಎದುರಾಗಲಿವೆ.