Crypto Case: ಮೊದಲ ಬಾರಿಗೆ ಲಡಾಖ್‌ನಲ್ಲಿ ಇ.ಡಿ. ದಾಳಿ

ಶ್ರೀನಗರ: 7 ಕೋಟಿ ರೂ.ಗಳ ಕ್ರಿಪ್ಟೋ ಕರೆನ್ಸಿ ವಂಚನೆ ಪ್ರಕರಣದಲ್ಲಿ ಅಕ್ರಮ ಹಣ ವರ್ಗಾವಣೆ ತನಿಖೆ ಸಂಬಂಧ ಜಾರಿ ನಿರ್ದೇಶನಾಲಯ(ಇ.ಡಿ.) ಇದೇ ಮೊದಲ ಬಾರಿಗೆ ಕೇಂದ್ರಾಡಳಿತ ಪ್ರದೇಶ ಲಡಾಖ್‌ನಲ್ಲಿ ಶುಕ್ರವಾರ ದಾಳಿ ನಡೆಸಿದೆ. ಎ.ಆರ್‌.ಮಿರ್‌ ಮತ್ತಿತರರ ವಿರುದ್ಧದ ಪ್ರಕರಣದಲ್ಲಿ ಲಡಾಖ್‌ನ ಲೇಹ್‌ನ 6 ಸ್ಥಳಗಳು, ಜಮ್ಮು, ಹರ್ಯಾಣದ ಸೋನಿಪತ್‌ನಲ್ಲಿ ದಾಳಿ ನಡೆದಿದೆ. ನಕಲಿ ಕ್ರಿಪ್ಟೋ ವ್ಯವಹಾರದಲ್ಲಿ ಸುಮಾರು 2,508 ಹೂಡಿಕೆದಾರರು 7.34 ಕೋಟಿ ರೂ.ಗೂ ಹೆಚ್ಚು ಹಣ ಠೇವಣಿ ಮಾಡಿದ್ದರು. ಆದರೆ ಅವರಿಗೆ ಯಾವುದೇ ಆದಾಯ ನೀಡದೇ ವಂಚಿಸಲಾಗಿದೆ. ಈ ಹಣವನ್ನು ಅಕ್ರಮವಾಗಿ ಜಮ್ಮುವಿನಲ್ಲಿ ಜಮೀನು ಖರೀದಿಗೆ ಬಳಸಲಾಗಿದೆ ಎಂದೂ ಆರೋಪಿಸಲಾಗಿದೆ.