ಮಲ್ಪೆ ಬೀಚ್‌: ಲೈಫ್‌ಗಾರ್ಡ್‌ ಮೇಲೆ ಪ್ರವಾಸಿಗರಿಂದ ಹಲ್ಲೆ

ಮಲ್ಪೆ: ಇಲ್ಲಿನ ಬೀಚ್‌ನಲ್ಲಿ ಲೈಫ್‌ಗಾರ್ಡ್‌ಗಳು ನೀರಿಗಿಳಿಯದಂತೆ ನೀಡಿದ ಎಚ್ಚರಿಕೆಯ ಮಾತನ್ನು ಧಿಕ್ಕರಿಸಿದ್ದಲ್ಲದೆ, ಬೀಚ್‌ ಲೈಫ್‌ಗಾರ್ಡ್‌ ಮೇಲೆ ಹಲ್ಲೆ ನಡೆಸಿದ ಘಟನೆ ನಡೆದಿದೆ.

ಲೈಫ್‌ಗಾರ್ಡ್‌ಗಳಾದ ನಾಗರಾಜ್‌, ಅಭಯ್‌, ರಾಜೇಶ್‌ ಅವರ ಮೇಲೆ 5-6 ಜನ ಪ್ರವಾಸಿಗರು ಹಲ್ಲೆ ನಡೆಸಿದ್ದಾರೆ.

ಹವಾಮಾನದ ವೈಪರೀತ್ಯದಿಂದ ಕಡಲು ಪ್ರಕುಬ್ಧಗೊಂಡಿದ್ದು ಜಿಲ್ಲಾಧಿಕಾರಿಗಳು 2 ದಿನ ಯಾರನ್ನು ಸಮುದ್ರಕ್ಕೆ ಇಳಿಯದಂತೆ ಸೂಚನೆ ನೀಡಿದ್ದರು. ಈ ಬಗ್ಗೆ ಪ್ರವಾಸಿಗರಿಗೆ ನೀರಿಗಿಳಿಯದಂತೆ ತಿಳಿ ಹೇಳಿದರೂ, ಅವರು ನಾವು ತುಂಬಾ ದೂರದಿಂದ ಬಂದಿದ್ದೇವೆ. ಯಾಕೆ ನೀರಿಗೆ ಇಳಿಯಬಾರದು, ನೀವು ಮಾಡುದೆಲ್ಲ ಮಾಡಿ ಎಂದು ಉಡಾಫೆ ತೋರಿಸಿದ್ದಲ್ಲದೆ ಲೈಫ್‌ಗಾರ್ಡ್‌ ಮೇಲೆ ಹಲ್ಲೆ ನಡೆಸಿದ್ದಾರೆ. ಅವರನ್ನು ಚಿಕಿತ್ಸೆಗೆ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಈ ಬಗ್ಗೆ ಮಹೇಶ ಅವರು ಮಲ್ಪೆ ಠಾಣೆಗೆ ದೂರು ನೀಡಿದ್ದಾರೆ.