Cricket: ಜಿಂಬಾಬ್ವೆ ವಿರುದ್ಧ ಅಫ್ಘಾನಿಸ್ಥಾನ ಅಮೋಘ ಬ್ಯಾಟಿಂಗ್‌: ರಹಮತ್‌ ಶಾ ದ್ವಿಶತಕ

ಬುಲವಾಯೊ: ಜಿಂಬಾಬ್ವೆ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಅಫ್ಘಾನಿಸ್ಥಾನ ಕೂಡ ಅಮೋಘ ಬ್ಯಾಟಿಂಗ್‌ ಪ್ರದರ್ಶಿಸಿದೆ.

ಜಿಂಬಾಬ್ವೆಯ 586 ರನ್ನುಗಳ ಮೊದಲ ಇನ್ನಿಂಗ್ಸ್‌ಗೆ ಉತ್ತರವಾಗಿ ಮೂರೇ ವಿಕೆಟಿಗೆ 515 ರನ್‌ ಗಳಿಸಿ 4ನೇ ದಿನದಾಟ ಮುಗಿಸಿದೆ.

ರಹಮತ್‌ ಶಾ 234 ರನ್‌ ಬಾರಿಸಿದರೆ, ಹಶ್ಮತುಲ್ಲ ಶಾಹಿದಿ 179 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ.

ಈ ಜೋಡಿಯಿಂದ 3ನೇ ವಿಕೆಟಿಗೆ 360 ರನ್‌ ಹರಿದು ಬಂತು.