ಮೈ ತುಂಬ ಬಟ್ಟೆ ತೊಟ್ಟರೆ ಶ್ರೇಯಸ್ಸು: ಸಲ್ಮಾನ್‌ ಖಾನ್‌

ಬಾಲಿವುಡ್‌ ನಟ ಸಲ್ಮಾನ್‌ಖಾನ್‌ ಶೂಟಿಂಗ್‌ನಲ್ಲಿ ಹೆಣ್ಣುಮಕ್ಕಳ ತುಂಡು ಉಡುಗೆ ಇಷ್ಟಪಡುವುದಿಲ್ಲ. ಎಲ್ಲರಿಗೂ ಮೈ ತುಂಬಾ ಬಟ್ಟೆತೊಡಲು ತಿಳಿಸುತ್ತಾರೆ ಎಂದು ಇತ್ತೀಚೆಗಷ್ಟೇ ನಟಿ ಪಲಕ್‌ ತಿವಾರಿ ಹೇಳಿಕೆ ನೀಡಿದ್ದು, ಈ ವೀಡಿಯೋ ಭಾರೀ ವೈರಲ್‌ ಆಗಿತ್ತು. ಇದೀಗ ತಿವಾರಿ ಹೇಳಿಕೆಗೆ ಸಲ್ಲು ಸ್ಪಷ್ಟನೆ ನೀಡಿದ್ದಾರೆ.

ಒಂದೊಳ್ಳೆ ಸಿನೆಮಾ ಮಾಡಿದಾಗ ಜನರು ಕುಟುಂಬ ಸಮೇತ ಬಂದು ನೋಡುತ್ತಾರೆ. ಈ ವೇಳೆ ನಮ್ಮ ನಟಿಯರ ಬಟ್ಟೆ ಅವರಿಗೆ ಮುಜುಗರ ತರಬಾರದು. ಅಲ್ಲದೇ ಹೆಣ್ಣುಮಕ್ಕಳನ್ನು ಈಗ ಗಂಡು ಮಕ್ಕಳು ನೋಡುವ ದೃಷ್ಟಿ ಕೂಡ ಬದಲಾಗಿಬಿಟ್ಟಿದೆ. ಹೆಣ್ಣು ಮಕ್ಕಳ ದೇಹ ಅತ್ಯಮೂಲ್ಯ ಹೀಗಾಗಿ ಮೈ ತುಂಬ ಬಟ್ಟೆ ಸೂಕ್ತ ಎಂಬುದು ನನ್ನ ನೀತಿ ಎಂದಿದ್ದಾರೆ.