ಸಿ.ಪಿ.ಎಂ. ವ್ಯಾಪಕ ಹಿಂಸೆ : ಯುಡಿವೈಎಫ್‌ ಪ್ರತಿಭಟನೆ

ಕಾಸರಗೋಡು: ಚುನಾವಣೆಯ ದಿನದಂದು ಯೂತ್‌ ಲೀಗ ಜಿಲ್ಲಾ ಕಾರ್ಯದರ್ಶಿ ಟಿ.ಡಿ.ಕಬೀರ್‌ ಸಹಿತ ಹಲವಾರು ನೇತಾರರಿಗೆ ಜಿಲ್ಲೆಯಲ್ಲಿ ಸಿಪಿಎಂ ನಡೆಸಿದ ಹಲ್ಲೆ ಪ್ರಕರಣವನ್ನು ಯುಡಿವೈಎಫ್‌ ಕಾಸರಗೋಡು ಮಂಡಲ ಸಮಿತಿ ನೇತೃತ್ವದಲ್ಲಿ ಪ್ರತಿಭಟಿಸಿತು.

ಚುನಾವಣೆಯಲ್ಲಿ ಪರಾಭವ ಭೀತಿಯಲ್ಲಿ ಸಿಪಿಎಂ ವ್ಯಾಪಕ ಹಿಂಸೆಯನ್ನು ನಡೆಸಿ ಚುನಾವಣೆಯನ್ನು ಬುಡಮೇಲುಗೊಳಿಸಲು ಯತ್ನಿಸಿದ್ದಾಗಿ ಪದಾಧಿಕಾರಿಗಳು ಆರೋಪಿಸಿದ್ದಾರೆ. ಯೂತ್‌ ಲೀಗ ಜಿಲ್ಲಾ ಉಪಾಧ್ಯಕ್ಷ ನಾಸರ್‌ ಚಾಯಂಡಡಿ ಉದ್ಘಾಟಿಸಿದರು. ಕಾಸರಗೋಡು ಮಂಡಲ ಯುಡಿವೈಎಫ್‌ ಅಧ್ಯಕ್ಷ ಸಾಹಿರ್‌ ಆಸಿಫ್‌ ಅಧ್ಯಕ್ಷತೆ ವಹಿಸಿದರು.

ಮನ್ಸೂರು ಮಲ್ಲ, ಹಾರೀಸ್‌ ಪಟ್ಲ, ಎಂ.ಎ.ನಜೀಬ್‌, ಉಸ್ಮಾನ್‌ ಅಣಂಗೂರು, ಅಬ್ದುಲ್‌ ರಹಿಮಾನ್‌ ತೊಟ್ಟಾನ್‌, ಅಜ್ಮಲ್‌ ತಳಂಗರೆ, ಸಿ.ಟಿ.ರಿಯಾಸ್‌, ಹಾರಿಸ್‌ ತಾಯಲ್‌, ಸಫ್ರಾಸ್‌ ಪಟೇಲ್‌, ಸಿ.ಬಿ.ಲತೀಫ್‌, ಹನೀಫ್‌ ಚೂರಿ, ಉಸ್ಮಾನ್‌ ಪಳ್ಳಿಕಾಲ್‌, ಮುಸ್ತಫ ಕುಂಡಿಲ್‌, ರಹೀಂ ತುರ್ತಿ, ರಾಶೀದ್‌ ಗಜಲಿ, ಖಲೀಲ್‌ ತುರ್ತಿ, ಮುಜೀಬ್‌ ತಾಯಲಂಗಾಡಿ, ಹಮೀದ್‌ ಚೇರಂಗೈ ಮೊದಲಾದವರು ಮಾತನಾಡಿದರು.

ಮುನಾಫ್‌ ನುಳ್ಳಿಪ್ಪಾಡಿ ಸ್ವಾಗತಿಸಿದರು. ಸಿದ್ದಿಕ್‌ ಸಂತೋಷ್‌ ನಗರ್‌ ವಂದಿಸಿದರು.