ಮದುವೆಯಿಂದ ಮರಳುತ್ತಿದ್ದವರ ಮೇಲೆ ಕೇಸ್‌

ಧಾರವಾಡ: ಅನುಮತಿ ಇಲ್ಲದೇ ಮದುವೆ ಮಾಡಿದ್ದಲ್ಲದೇ, ನಿಯಮ ಉಲ್ಲಂಘಿಸಿ ಖಾಸಗಿ ವಾಹನ ಸಂಚಾರ ಮಾಡಿದವರ ಮೇಲೆ ನಗರದ ವಿದ್ಯಾಗಿರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ರವಿವಾರ ಬೆಳಿಗ್ಗೆ ವರನ ಗ್ರಾಮ ಹೆಬ್ಬಳ್ಳಿಯಲ್ಲಿ ಮದುವೆ ಆಗಿದ್ದು, ವಧುವಿನ ಪಾಲಕರು ಕಲಘಟಗಿಯ ಸಂಗ್ರೇಶಕೊಪ್ಪದವರಾಗಿದ್ದಾರೆ. ಮದುವೆ ಮುಗಿಸಿ ಮರಳಿ ಹೋಗುವಾಗ ನವಲೂರ ಬ್ರಿಡ್ಜ್ ಹತ್ತಿರ ತಡೆದು ತಪಾಸಣೆ ಮಾಡಿದಾಗ ಬೆಳಕಿಗೆ ಬಂದಿದೆ. ಹೀಗಾಗಿ ಕಲ್ಲಪ್ಪ ನಿಗದಿ ಸೇರಿದಂತೆ 20 ಜನರ ಮೇಲೆ ದೂರು ದಾಖಲಿಸಲಾಗಿದೆ.

ಜಿಲ್ಲೆಯಲ್ಲಿ ಮದುವೆಗಳ ಆಯೋಜನೆ ನಿಷೇಧಿಸಲಾಗಿದೆ. ಮತ್ತು ಈ ಮದುವೆಗೆ ಯಾವುದೆ ಅನುಮತಿ ಪಡೆದಿರಲಿಲ್ಲ. ಆದ್ದರಿಂದ ಜಿಲ್ಲಾಧಿಕಾರಿ ನಿತೇಶ ಪಾಟೀಲ ಅವರ ನಿರ್ದೇಶನ ಮೇರೆಗೆ ಪ್ರಕರಣ ದಾಖಲಿಸಲಾಗಿದೆ ಎಂದು ಧಾರವಾಡ ತಹಶೀಲ್ದಾರ್‌ ಸಂತೋಷ ಬಿರಾದಾರ ತಿಳಿಸಿದ್ದಾರೆ.