ಬೆಲೆ ಪಾತಾಳಕ್ಕೆ ಟೊಮೆಟೋ ರಸ್ತೆ ಬದಿಗೆ

ಮುಳಬಾಗಿಲು: ಕೋವಿಡ್  ಲಾಕ್‌ಡೌನ್‌ಪರಿಣಾಮ ತಾಲೂಕಿನ ಎನ್‌.ವಡ್ಡಹಳ್ಳಿಮಾರುಕಟ್ಟೆಯಲ್ಲಿ ಸೂಕ್ತ ಬೆಲೆ ಸಿಗದೇ,ಬೆಳೆಗಾರರು ನೂರಾರು ಬ್ಯಾಕ್ಸ್‌ಟೊಮೆಟೋವನ್ನು ರಸ್ತೆ ಬದಿಯಲ್ಲೇ ಸುರಿದುಹೋಗಿರುವ ಘಟನೆ ನಡೆದಿದೆ.ನೀರಿನ ಸಮಸ್ಯೆ ಮಧ್ಯೆಯೂ ಲಕ್ಷಾಂತರ ರೂ. ಖರ್ಚು ಮಾಡಿ ತಾಲೂಕಿನ ಯಲುವಹಳ್ಳಿ ಗ್ರಾಮದ ಟಿ.ಆರ್‌.ವೇಣುಗೋಪಾಲ್‌ 5ಎಕರೆ, ಶಂಕರ್‌ 1 ಎಕರೆ ಮತ್ತು ರಾಮಚಂದ್ರಪ್ಪ3 ಎಕರೆ ಜಮೀನಿನಲ್ಲಿ ಟೊಮೆಟೋ ಬೆಳೆದಿದ್ದರು.

ಎರಡು ಮೂರು ದಿನಗಳಿಗೊಮ್ಮೆ750 ರಿಂದ 800 ಬಾಕ್ಸ್‌ ಟೊಮೆಟೋವನ್ನುಎನ್‌.ವಡ್ಡಹಳ್ಳಿ ಮಾರುಕಟ್ಟೆಗೆ ತರುತ್ತಿದ್ದರು.ಸರ್ಕಾರ ಲಾಕ್‌ಡೌನ್‌ ಘೋಷಣೆ ಮಾಡಿದನಂತರ ಬೆಲೆ ಪಾಳಕ್ಕೆ ಕುಸಿದಿದೆ.

ಇಲ್ಲಿರುವ 48ಮಂಡಿಗಳಲ್ಲಿ ಪ್ರತಿ ಬಾಕ್ಸ್‌ ಟೊಮೆಟೋವನ್ನು20-30 ರೂ.ಗೆ ಖರೀದಿಸಲಾಗುತ್ತಿದೆ. ಇದರಿಂದ ರೈತರು ತಾವು ಹಾಕಿರುವ ಬಂಡವಾಳವೂ ಕೈಗೆ ಬರದಂತಾಗಿ ರಸ್ತೆ ಬದಿಯಲ್ಲೇಟೊಮೆಟೋ ಸುರಿದು ವಾಪಸ್ಸಾಗುತ್ತಿದ್ದಾರೆ.ಆಲಂಗೂರು, ಅನಹಳ್ಳಿ, ಪುಂಗನೂರು ರಸ್ತೆಬದಿಯಲ್ಲಿ ಬೆಳೆಗಾರರು ರಾಶಿ ಗಟ್ಟಲೆಟೊಮೆಟೋ ಸುರಿಯುತ್ತಿರುವ ದೃಶ್ಯ ಮನಕಲಕುವಂತಿದೆ.

ಕೂಡಲೇ ಸರ್ಕಾರಬೆಂಬಲ ಬೆಲೆ ನೀಡಬೇಕೆಂದು ರೈತಯಲುವಹಳ್ಳಿ ಟಿ.ಆರ್‌.ವೇಣುಗೋಪಾಲ್‌ಒತ್ತಾಯಿಸಿದ್ದಾರೆ.