ಈ ದೇಶಗಳಿಗೆ ಇನ್ನೂ ಕಾಲಿಟ್ಟಿಲ್ಲಕೋವಿಡ್ 19 ವೈರಸ್ !

ವಿಶ್ವ ಭೂಪಟದಲ್ಲಿ ಸಣ್ಣ ಬಿಂದುವಿನಂತಿರುವ ಕೆಲವು ದೇಶಗಳಲ್ಲಿ ಕೋವಿಡ್ 19 ವೈರಸ್ ಇನ್ನೂ ಪ್ರವೇಶವನ್ನೇ ನೀಡಿಲ್ಲ. ಒಂದು ಲೆಕ್ಕದಲ್ಲಿ ಇವರೆಲ್ಲ ಅದೃಷ್ಟವಂತರು. ಅಂಥ ಅದೃಷ್ಟ ದೇಶದ ಪೈಕಿ ಉತ್ತರ ಪೆಸಿಫಿಕ್‌ನಲ್ಲಿರುವ ಪಲಾವ್‌ ದ್ವೀಪ ಕೂಡ ಒಂದು.

ಈ ದೇಶದ ಜನಸಂಖ್ಯೆ ಕೇವಲ 18,000 ಇದ್ದು, ಇಲ್ಲಿಯ ತನಕ ಒಂದೂ ಕೋವಿಡ್ 19 ಪಾಸಿಟಿವ್‌ ಪತ್ತೆಯಾಗಿಲ್ಲ. ಹೊರಗಿನ ಯಾವುದೇ ಪ್ರವಾಸಿಗರು ಬರದಂತೆ, ಇಲ್ಲಿ ಮುಂಚಿತವಾಗಿ ಕ್ರಮ ಕೈಗೊಳ್ಳಲಾಗಿದೆ. ಅಲ್ಲದೆ, ಇದೇ ನೀತಿಯನ್ನು ಅನುಸರಿಸಿದ್ದ ಟೊಂಗಾ, ಸಾಲೊಮನ್‌ ದ್ವೀಪಗಳು, ಮಾರ್ಷಲ್‌ ದ್ವೀಪಗಳು ಮತ್ತು ಮೈಕ್ರೋನೇಶಿಯಾ ಕೂಡ ಕೋವಿಡ್ 19 ವೈರಸ್ ನಿಂದ ಬಚಾವಾಗಿವೆ.