ಕೋವಿಡ್ ಅಪಾಯದ ಕೇಂದ್ರ ಬಿಂದು ಸ್ಥಳಾಂತರ ; ಎತ್ತ ಸಾಗುತ್ತಿದೆ ಮಹಾಮಾರಿ?

ಕೋವಿಡ್ 19 ವೈರಸ್ ನ ಅಪಾಯದ ಕೇಂದ್ರ ಬಿಂದು ಈಗ ಏಷ್ಯಾ ಮತ್ತು ಫೆಸಿಫಿಕ್‌ ವ್ಯಾಪ್ತಿಯಿಂದ ಪಶ್ಚಿಮ ಯುರೋಪ್‌ ಮತ್ತು ಉತ್ತರ ಅಮೆರಿಕಕ್ಕೆ ಸ್ಥಳಾಂತರವಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದೆ.

ಪಶ್ಚಿಮ ಯುರೋಪ್‌ ಮತ್ತು ಉತ್ತರ ಅಮೆರಿಕಕ್ಕೆ ಸೇರಿದ ಸರಕಾರಗಳು ಕೊರೊನಾ ವಿರುದ್ಧ ಹೋರಾಡಲು ಅಗತ್ಯವಿರುವ ಎಲ್ಲಾ ತುರ್ತು ಕ್ರಮಗಳನ್ನು ಕೈಗೊಳ್ಳಬೇಕಿದೆ. ಇದೊಂದು ದೀರ್ಘ‌ಕಾಲೀನ ಹೋರಾಟವಾಗಬಹುದು.

ಆರೋಗ್ಯಕರ ಕ್ರಮಗಳ ಪಾಲನೆಯಿಂದಷ್ಟೇ ಕೊರೊನಾ ಅಪಾಯವನ್ನು ಸಂಪೂರ್ಣವಾಗಿ ತಡೆಯಬಹುದು ಎನ್ನುವಂತಿಲ್ಲ. ಆದರಿವು ರೋಗ ನಿಯಂತ್ರಣ ಹೆಜ್ಜೆಯಲ್ಲಿ ಪ್ರಮುಖ ಪಾತ್ರ ವಹಿಸಲಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದೆ.