Advertisement
ಈ ಕ್ರಿಕೆಟಿಗರೆಂದರೆ ಫಕಾರ್ ಜಮಾನ್, ಮೊಹಮ್ಮದ್ ಹಸ್ನೇನ್, ಮೊಹಮ್ಮದ್ ಹಫೀಜ್, ಮೊಹಮ್ಮದ್ ರಿಜ್ವಾನ್, ಶಾದಾಬ್ ಖಾನ್ ಮತ್ತು ವಹಾಬ್ ರಿಯಾಜ್. ಇವರೆಲ್ಲ ಇಂಗ್ಲೆಂಡ್ ಪ್ರವಾಸಕ್ಕೆ ಆಯ್ಕೆಯಾದ ಆಟಗಾರರಾಗಿದ್ದು, ಮೊದಲ ಕೋವಿಡ್-19 ಪರೀಕ್ಷೆಯಲ್ಲಿ ಪಾಸಿಟಿವ್ ಫಲಿತಾಂಶ ಬಂದ ಕಾರಣ ಪಾಕಿಸ್ಥಾನದಲ್ಲೇ ಉಳಿದಿದ್ದರು. ಇವರ ಮುಂದಿನೆರಡೂ ಕೊರೊನಾ ಟೆಸ್ಟ್ ವೇಳೆ ನೆಗೆಟಿವ್ ದಾಖಲಾದ್ದರಿಂದ ಇಂಗ್ಲೆಂಡ್ ಪ್ರಯಾಣದ ಹಾದಿ ಸುಗಮಗೊಂಡಿದೆ.
ಮೊದಲ ಟೆಸ್ಟ್ ವೇಳೆ ಒಟ್ಟು 10 ಮಂದಿಯಲ್ಲಿ ಪಾಸಿಟಿವ್ ಕಂಡುಬಂದಿತ್ತು. ಉಳಿದ ನಾಲ್ವರು ಕ್ರಿಕೆಟಿಗರಾದ ಕಾಶಿಫ್ ಭಟ್ಟಿ, ಹ್ಯಾರಿಸ್ ರವೂಫ್, ಇಮ್ರಾನ್ ಖಾನ್ ಮತ್ತು ಹೈದರ್ ಅಲಿ ಪಾಕಿಸ್ಥಾನದಲ್ಲೇ ಕ್ವಾರಂಟೈನ್ನಲ್ಲಿದ್ದಾರೆ. ಶೋಯಿಬ್ ಮಲಿಕ್ ಅವರಿಗೆ ಕುಟುಂಬದೊಂದಿಗೆ ಕಳೆಯಲು ವಿಶೇಷ ಅನುಮತಿ ನೀಡಲಾಗಿದೆ. ಅವರೀಗ ಯುಎಇಯಲ್ಲಿದ್ದು, ಜುಲೈ ಅಂತ್ಯಕ್ಕೆ ಇಂಗ್ಲೆಂಡಿಗೆ ತೆರಳುವರು.