ಫಿಫಾ ವಿಶ್ವಕಪ್‌ ರಾಯಭಾರಿಗೆ ಕೋವಿಡ್-19 ಸೋಂಕು

ಕತಾರ್‌: 2022ರ ಕತಾರ್‌ ವಿಶ್ವಕಪ್‌ ಫ‌ುಟ್‌ಬಾಲ್‌ ಕೂಟದ ರಾಯಭಾರಿಯ ಕೋವಿಡ್-19 ವೈರಸ್‌ ಪರೀಕ್ಷೆಯ ವರದಿಯಲ್ಲಿ ಪಾಸಿಟಿವ್‌ ಬಂದಿದೆ ಎಂದು ಕೂಟದ ಸಂಘಟಕರು ತಿಳಿಸಿದ್ದಾರೆ.

“ರಾಯಭಾರಿ ಆಗಿರುವ ನಿವೃತ್ತ ಕತಾರ್‌ನ ಮಿಡ್‌ಫಿಲ್ಡರ್‌ 54ರ ಹರೆಯದ ಆದೆಲ್‌ ಖಾಮಿಸ್‌ ದುರದೃಷ್ಟವಶಾತ್‌ ಕೋವಿಡ್-19 ಸೊಂಕಿಗೆ ತುತ್ತಾಗಿದ್ದಾರೆ. ಅವರ ಸಹಿತ ಸೋಂಕಿಗೆ ಸಿಲುಕಿದ ಎಲ್ಲರೂ ಶೀಘ್ರ ಗುಣಮುಖರಾಗಲಿ’ ಎಂದು ಕೂಟದ ಸಂಘಟಕರು ಟ್ವೀಟ್‌ ಮೂಲಕ ಹಾರೈಸಿದ್ದಾರೆ.

2022ರ ಫ‌ುಟ್‌ಬಾಲ್‌ ಕೂಟಕ್ಕಾಗಿ ವಿವಿಧ ಕಡೆ ಕ್ರೀಡಾಂಗಣಗಳ ನಿಮಾರ್ಣ ಕಾರ್ಯ ಸಾಗತ್ತಿದ್ದು, ಹಲವು ಮಂದಿ ಕೋವಿಡ್-19 ಸೋಂಕಿಗೆ ಒಳಗಾಗಿದ್ದಾರೆ.